बाराही हाइड्रोपावरले हकप्रद निष्काशन गर्ने

काठमाडौं । बाराही हाइड्रोपावर पब्लिक लिमिटेडले हकप्रद सेयर निष्काशन गर्ने भएको छ । कम्पनीले शतप्रतिशत हकप्रद निष्काशन गर्नका लागि विद्युत नियमन आयोगको अनुमति पाएको हो । आयोगको फागुन २३ गतेको निर्णयले हाइड्रोले मागेको अनुमतिबमोजिम अर्थात् एक बराबर एक अनुपातमा हकप्रद निष्काशन गर्न अनुमति दिएको कम्पनीले जानकारी दिएको छ ।

आयोगको अनुमति पाए पनि नेपाल धितोपत्र बोर्डको प्रक्रिया भने बाँकी नै रहेको छ । बोर्डले अनुमति दिएपछि कम्पनीले सो मात्राको हकप्रद सेयर निष्काशन गर्नेछ । कम्पनीको चुक्ता पुँजी हाल २५ करोड रुपैयाँको हाराहारीमा रहेको छ । स्वीकृतिपश्चातको शतप्रतिशत हकप्रद सेयरको बिक्रीपश्चात भने कम्पनीको चुक्ता पुँजी ५० करोड रुपैयाँँभन्दा बढी हुनेछ ।