प्रभु बैंकद्वारा कागबेनीको श्राद्धस्थल व्यवस्थापन समितिलाई क्युआर स्ट्यान्ड

काठमाडौं । प्रभु बैंकले धार्मिकस्थल कागबेनीमा कागबेनी मन्दिर श्राद्धस्थल व्यवस्थापन समितिलाई क्युआर स्ट्यान्ड उपलब्ध गराएको छ । नगदरहित कारोबारलाई जोड दिएको बैंकले कागबेनीमा भक्तजनहरूको सहजीकरणका तथा सुविधाका लागि क्युआर स्ट्यान्ड उपलब्ध गराएको हो ।

बडदशैं र चैते दशैंअघिको सोह्रश्राद्ध तथा औंशी तिथिमा दिवंगत आफन्तहरूको नाममा पिण्डदान र तर्पणका लागि वर्षेनि नेपाल र भारतबाट करिब ११ हजार जनाभन्दा बढी भक्तजनहरूको यो क्षेत्रमा आवागमन हुने गरेको छ । पिण्डदान गर्दा दिवंगत भएकाहरूले मुक्ति पाउने धार्मिक विश्वास छ । हिमालपारिको जिल्ला मुस्ताङको विभिन्न गाउँपालिकाहरूमा सात वटा मात्र शाखा कार्यालयमार्फत सम्पूर्ण बैंकिङ सेवा उपलब्ध गराइरहेको प्रभु बैंक, मुस्ताङ जिल्लाको वित्तीय पहुँचका लागि सारथि बन्ने गरेको मुस्ताङवासीहरू बताउँछन् ।

मुस्ताङ जिल्लाको समुन्नत आर्थिक विकास तथा समृद्धिका लागि प्रभु बैंकले वित्तीय सेवा मात्र नभएर वित्तीय सचेतना तथा समाजिक उत्तरदायित्व निर्वाहमा समेत विशेष ध्यान दिएको प्रभु बैंकको गण्डकी प्रदेश कार्यालयले जनाएको छ । प्रभु बैंकका नेपालभर तीन सय एक वटा शाखा कार्यालयहरू, दुई सय ८५ वटा एटीएम साथै ७० एक्सटेन्सन काउन्टर छन् ।