कुमारी स्मार्टबाट मुद्दती खाता खोल्दा अतिरिक्त ब्याज पाइने

काठमाडौं । नयाँ वर्ष २०८१ को अवसरमा कुमारी बैंकले ग्राहकले मोबाइल बैंकिङ एप ‘कुमारी स्मार्ट’बाट मुद्दती खाता खोलेमा तोकिएको ब्यजदरमा थप शून्य दशमलव १५ प्रतिशत ब्याज दिने घोषणा गरेको छ । साथै, कुमारी स्मार्ट एपमार्फत आफ्नो मुद्दती खातामा भएको रकमबाट कर्जा लिँदा शून्य दशमलव २५ प्रतिशत छुट प्रदान गर्ने पनि जनाएको छ ।

सो सेवा कुमारी स्मार्टमार्फत घरमै बसेर संसारको जुनै कुनाबाट पनि तुरुन्तै लिन सकिने बैंकले जनाएको छ । यस्तो प्रकारको मुद्दती खाता खोल्नको लागी र मुद्दती रसिदको धितोमा कर्जा उपभोग गर्न कुनै पनि किसिमको कागजी प्रकृयाहरू नचाहिने र मोबाइल बैंकिङ एपमार्फत यो सुविधा चौबीसै घण्टा उपलब्ध गराइएको बैेंकले जनाएको छ ।

कुमारी बैंकले देशभर रहेका तीन सय दुई शाखा सञ्जाल, तीन सय १५ एटीएम, ५० एक्सटेन्सन काउन्टर तथा ६७ शाखारहित बैंकिङ इकाइहरूमार्फत आफ्ना ग्राहकलाई अत्याधुनिक तथा प्रभावकारी सेवा प्रदान गर्दै आइरहेको छ ।