सिटिजन्स बैंकका ग्राहकलाई विभिन्न संस्थामा छुट

काठमाडौं । सिटिजन्स बैंक इन्टरनेसनल लिमिटेडले आफ्ना ग्राहकहरूलाई विभिन्न संघसंस्थाहरूसँग समन्वय गरी विशेष छुट दिने सम्बन्धमा सम्झौता गरेको छ । सम्झौतापश्चात् सिटिजन्स बैंकका ग्राहकहरूले उक्त संस्थाको सेवामा विभिन्न किसिमको छुट प्राप्त गर्न सक्ने बताएको हो ।

बैंकका ग्राहकले नयाँ बानेश्वर, काठमाडौंमा अवस्थित दुई संस्था नवदर्मा स्किन एन्ड लेजर एस्थेटिक प्रालि र समाज डेन्टल हस्पिटल प्रालि, बौद्ध, काठमाडौंमा अवस्थित उत्पला क्याफे र बसुन्धरामा अवस्थित चिरायु नेसनल हस्पिटल एन्ड मेडिकल इन्टिच्युटका सेवाहरूमा १० प्रतिशत देखि २५ प्रतिशतसम्मको छुट प्राप्त गर्न सक्ने छन् ।

बैंकले डिजिटल बैंकिङ माध्यमहरूको प्रयोगलाई बढाउन र ग्राहकहरूलाई डिजिटल माध्यमबाट भुक्तानी गर्न प्रोत्साहन गर्न समयसमयमा ग्राहकमैत्री सुविधाहरू सञ्चालनमा ल्याउँदै आएको छ । यसअघि पनि बंैकले स्वदेश तथा विदेशका विभिन्न संघसंस्थासँग समन्वय गरी ग्राहकहरूलाई सेवा सुविधाहरू प्रदान गर्दै आएको छ ।