नेपाल एसबीआई मर्चेन्ट बैंकिङ र हृयाम्स अस्पतालबीच सम्झौता

काठमाडौं । नेपाल एसबीआई मर्चेन्ट बैंकिङ लिमिटेड र ह्याम्स अस्पतालबीच व्यावसायिक सहकार्य गर्ने सहमतिपत्रमा सोमबार हस्ताक्षर भएको छ । सहमतिपत्रमा ह्याम्स अस्पतालका लिमिटेडका मार्केटिङ प्रबन्धक तेन्जिङ खुन्से बज्राचार्यकोे उपस्थितिमा नेपाल एसबीआई मर्चेन्ट बैंकिङ लिमिटेडका इन्भेस्टमेन्ट बैंकिङ तथा मार्केटिङ प्रमुख सुशान्त खतिवडाले हस्ताक्षर गरेका हुन् ।

सहमतिपत्रमा उल्लेख भएबमोजिम नेपाल एसबीआई बैंक लिमिटेडका सम्पूर्ण शाखा कार्यालयहरू तथा नेपाल एसबीआई मर्चेन्ट बैंकिङ लिमिटेड लेखनाथमार्ग ठमेल, काठमाडौंमार्फत नयाँ डिम्याट खाता खोल्दा वा हाल कायम डिम्याट खाता सञ्चालन गर्दै आएका डिम्याट सेवा प्रयोगकर्ता ग्राहकहरू ह्याम्स अस्पतालले प्रदान गर्ने सेवामा उपचारका लागि लाग्ने शुल्कमा १० प्रतिशत र फर्मेसीको लागि लाग्ने शुल्कमा पाँच प्रतिशत विशेष छुट प्रदान गर्ने सहमति भएको छ ।

कार्यक्रममा नेपाल एसबीआई मर्चेन्ट बैंकिङ लिमिटेडका इन्भेस्टमेन्ट बैंकिङ तथा मार्केटिङ प्रमुख खतिवडाले यो सहकार्यमा जोडिन पाउँदा खुसी व्यक्त गरे भने ह्याम्स अस्पतालका प्रबन्धक मार्केटिङ प्रबन्धक बज्रचायले पनि आपसी सहकार्यबाट व्यावसायिक उचाइ हासिल हुने अपेक्षा राखे । समारोहमा दुईवटै संस्थाका कर्मचारीहरूको उपस्थिति रहेको थियो ।