काठमाडौं । बैंक तथा वित्तीय संस्थाहरूले झण्डै नौ खर्ब रुपैयाँबराबरको तरलता उपयोग गरेको देखिएको छ । नेपाल राष्ट्र बैंकका अनुसार चालू आर्थिक वर्षको पछिल्लो नौ महिनामा बैंक तथा वित्तीय संस्थाले सो परिमाणमा तरलता उपयोग गरेको देखिएको हो ।
बैंक तथा वित्तीय संस्थाले राष्ट्र बैंकबाट स्थायी तरलता सुविधामार्फत एक अर्ब २० करोड र ओभरनाइट तरलता सुविधामार्फत सात खर्ब ९४ अर्ब एक करोड रुपैयाँसहित कुल सात खर्ब ९५ अर्ब २१ करोड रुपैयाँ तरलता उपयोग गरेका हुन्, राष्ट्र बैंकले भनेको छ ।
यस अवधिमा निक्षेप संकलन बोलकबोलमार्फत छ खर्ब ९३ अर्ब पाँच करोड र स्थायी निक्षेप सुविधामार्फत आठ खर्ब ६८ अर्ब ३५ करोड गरी कुल १५ खर्ब ६१ अर्ब ४० करोड रुपैयाँबराबरको तरलता प्रशोचन गरिएको राष्ट्र बैंकको भनाइ छ । अघिल्लो वर्षको सोही अवधिमा खुला बजार र स्थायी तरलता सुविधालगायतका विभिन्न उपकरणहरूमार्फत ४४ खर्ब ४४ अर्ब नौ करोड रूपैयाँ तरलता प्रवाह गरिएको थियो ।
यस अवधिमा विदेशी विनिमय बजार अर्थात् वाणिज्य बैंकहरूबाट अमेरिकी डलर चार अर्ब २८ करोड खुद खरिद गरी पाँच खर्ब ६८ अर्ब ५८ करोड तरलता प्रवाह गरिएको छ । अघिल्लो वर्षको सोही अवधिमा विदेशी विनिमय बजारबाट अमेरिकी डलर चार अर्ब २७ करोड खुद खरिद गरी पाँच खर्ब ५७ अर्ब ८१ करोड तरलता प्रवाह गरिएको थियो । नौ महिनामा अमेरिकी डलर दुई अर्ब ७६ करोड बिक्री गरी तीन खर्ब ६६ अर्ब ९९ करोड रुपैयाँबराबरको भारतीय रुपैयाँ खरिद भएको छ । अघिल्लो वर्षको सोही अवधिमा अमेरिकी डलर तीन अर्ब ५४ करोड बिक्री गरी चार खर्ब ६२ अर्ब १४ करोड रुपैयाँबराबरको भारतीय रुपैयाँ खरिद भएको थियो ।
सहुलियत कर्जातर्फ २०८० चैत मसान्तमा एक लाख २७ हजार दुई सय १२ ऋणीलाई प्रवाह भएको एक खर्ब ४० अर्ब ५० करोड सहुलियतपूर्ण कर्जा बक्यौता रहेको राष्ट्र बैंकको भनाइ छ । यसमध्ये कृषि तथा पशुपन्छी व्यवसाय कर्जाअन्तर्गत ४९ हजार छ सय ४८ ऋणीलाई प्रवाह भएको ९४ अर्ब ८५ करोड कर्जा बक्यौता रहेको छ भने महिला उद्यमशील कर्जाअन्तर्गत ७५ हजार तीन सय ३३ महिला उद्यमीलाई प्रवाह भएको ४३ अर्ब ७९ करोड रुपैयाँ कर्जा बक्यौता रहेको छ । सहुलियतपूर्ण कर्जाका अन्य शीर्षकअन्तर्गत दुई हजार दुई सय ३१ ऋणीको एक अर्ब ८५ करोड कर्जा बक्यौता रहेको राष्ट्र बैंकको भनाइ छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- लगानी बोर्ड बैठकः बूढीगण्डकीलगायत विभिन्न जलविद्युत् परियोजनाको लगानी स्वीकृत
- एमाले सांसद लीलाबल्लभ राखेकै कोठामा रास्वपा सभापती रविलाई राखियो
- गृह मन्त्रालयले गर्यो १२ उपसचिवहरुको सरुवा
- प्रधानमन्त्री ओलीको आसन्न चीन भ्रमणमा ८७ सदस्यीय टोली सहभागी हुने
- भ्रष्टाचार मुद्दामा विकल पौडेल र सफल श्रेष्ठलाई ८ वर्ष कैद,३ करोड बढी बिगो जरिवाना
- अर्थमन्त्री पौडेल र फिनल्याण्डका विकासमन्त्री ताभियोबीच भेटवार्ता
- वर्ल्डलिङ्क कम्युनिकेसन्समा फिनफण्डको एक करोड युरो लगानी
- रास्वपा सभापति लामिछानेलाई काठमाडौँ लगियो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया