बैंकिङ प्रणालीमा थुप्रियो पैसा

काठमाडौं । बैंकिङ प्रणालीमा निक्षेप झन् तीव्र गतिमा बढ्दै गएको छ । राष्ट्र बैंकको पछिल्लो तथ्यांकअनुसार बैंकहरूको निक्षेप ६२ खर्ब २६ अर्ब रूपैयाँ पुगेको छ । यस्तै ५१ खर्ब २४ अर्ब रूपैयाँ ऋण लगानी छ । कर्जा निक्षेप अनुपात (सीडी रेसियो) ८० दशमलव शून्य नौ प्रतिशत छ । बैंक तथा वित्तीय संस्थाले सीडी रेसियो ९० प्रतिशतसम्म कायम गरेर ऋण लगानी गर्न पाउँछन् । बैैंकहरूसँग अहिले चार खर्ब ७९ अर्ब ४० करोड रूपैयाँ लगानीयोग्य रकम छ । तर, बजारमा कर्जाको माग सुस्त हुँदा बैंकहरूको लगानीयोग्य रकम बढ्दै गएको देखिन्छ ।

लगानीयोग्य रकम उच्च रहेपछि केन्द्रीय बैंकले निक्षेप संकलन उपकरण बिक्री गरी वित्तीय प्रणालीबाट ४० अर्ब रूपैयाँ तान्न लागेको छ । केन्द्रीय बैंकले जेठ २४ गते (आज) बिहीबार मध्याह्न ३ बजेसम्म बोलकबोलको माध्यमबाट १४ दिननका लागि सो रकम प्रशोचन गर्नलागेको जनाएको छ । निक्षेप संकलन उपकरणको सो रकम र त्यसको ब्याज भुक्तानी असार ६ गते गर्नेछ । राष्ट्र बैंकका अनुसार वाणिज्य बैंकहरू, विकास बैंक र फाइनान्स कम्पनीहरूले सो उपकरण किनेर तरलता व्यवस्थापन गर्न सक्नेछन् ।

खरिदकर्ताहरूले घटीमा १० करोड र बढीमा पाँच करोड रूपैयाँले भाग गर्दा निःशेष भाग जाने गरी कुुल आह्वान रकमसम्मको निक्षेप उपकरण खरिद गर्नसक्ने व्यवस्था गरिएको हो । राष्ट्र बैंकका अनुसार यसरी खरिद गरिएको निक्षेप संकलन उपकरण राष्ट्र बैंकबाहेकका बैंक तथा वित्तीय संस्थाहरूमा धितोको रूपमा पनि प्रयोग गर्न सकिनेछ ।

बैंकिङ क्षेत्रसँग रहेको अधिक तरलता निश्चित अवधिका लागि प्रशोचन गर्न नेपाल राष्ट्र बैंकले प्रयोगमा ल्याएका विभिन्न उपकरणमध्ये निक्षेप संकलन बोलकबोल पनि एक उपकरण हो । यसअन्तर्गत बोलकबोलको आधारमा ब्याजदर निर्धारण भई बैंक तथा वित्तीय संस्थाबाट नेपाल राष्ट्र बैंकले निक्षेप संकलन गर्ने गर्दछ जसबाट तरलता प्रशोचन हुनजान्छ । बोलकबोल नगरीकन निक्षेप संकलन दरमा निक्षेप संकलन गर्न सकिने व्यवस्था पनि रहेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments