काठमाडौं । आगामी आर्थिक वर्षको मौद्रिक नीतिमा समेट्नुपर्ने विषयलाई लिएर नेपाल राष्ट्र बैंकले राय सुझाव मागेको छ । आइतबार सूचना जारी गर्दै राष्ट्र बैंकले आर्थिक वर्ष २०८१/८२ को मौद्रिक नीतिको लागि राय सुझाव मागेको हो ।
सूचनामा भनिएको छ, ‘नेपाल राष्ट्र बैंक ऐन, २०५८ मा व्यवस्था भएबमोजिम यस बैंकले प्रत्येक वर्ष मौद्रिक नीति सार्वजनिक गर्दै आएकोमा आर्थिक वर्ष २०८१/८२ को मौद्रिक नीतिको लागि आ–आफ्ना राय/सुझावहरू यस बैंकको आर्थिक अनुसन्धान विभागको ठेगानामा २०८१ असार १६ भित्र उपलब्ध गराइदिनुहुन अनुरोध छ ।’ सुझाव पठाउन इच्छुक व्यक्ति वा संस्थाले असार १६ गतेसम्म राष्ट्र बैंकको आर्थिक अनुसन्धान विभागमा पुग्नेगरी पठाउनुपर्नेछ ।
राष्ट्र बैंकले संसद्बाट बजेट पास भएलगत्तै मौद्रिक नीति तर्जुमा गर्ने गर्दछ । यस पटक साउनको पहिलो साता आगामी आर्थिक वर्षको मौद्रिक नीति आउने सम्भावना रहेको केन्द्रीय बैंक स्रोतले बताएको छ ।
बजारमा आर्थिक क्रियाकलाप खुम्चिँदा कर्जाको माग घटेर गएको छ । अहिले पनि करिब पाँच खर्ब हाराहारी लगानीयोग्य रकम बैंक तथा वित्तीय संस्थासँग छ । आगामी मौद्रिक नीतिमार्फत बजार चलायमान बनाउने, कर्जाको माग बढाउने विषयमा बढी केन्द्रित भई मौद्रिक नीति तर्जुमा गर्नुपर्ने चुनौती राष्ट्र बैंकसमक्ष छ ।
क्याटेगोरी : बिबिध, बैंक बित्त बजार
ट्याग : #page 2
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया