Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारपोखरामा ‘नबिल दिगो पाइला’ वाकाथन

पोखरामा ‘नबिल दिगो पाइला’ वाकाथन


काठमाडौं । नबिल बैंकको ४०औँ वार्षिकोत्सवको सन्दर्भमा देशभर विभिन्न कार्यक्रम भइरहेका छन् । यसैक्रममा बैंकको गण्डकी प्रदेश कार्यालयको आयोजनामा ‘नबिल दिगो पाइला’ वाकाथन कार्यक्रम सम्पन्न भएको छ ।

दिगो भविष्यको प्रतिवद्धतासहित जनचेतना जगाउने उद्देश्यले वाकाथन कार्यक्रम आयोजना गरिएको बैंकले जनाएको छ । बैंकले दिगो भविष्य निर्माणको प्रतिबद्धता जनाउँदै शनिबार बिहान पोखरामा कार्यक्रम गरेको हो । बैंकका गण्डकी प्रदेश प्रमुख हरि ढकालले बैंकले हालसम्म प्राप्त गरेका उपलब्धिलाई संस्थागत गर्दै दिगो भविष्यप्रति प्रतिवद्धताका लागि वाकाथनमार्फत ऐक्यबद्धता जनाइएको बताए ।

शनिबार बिहान बैंकको लेकसाइड शाखाबाट सुरु भएको वाकाथन बाराही मन्दिर गेट, फेवा फुट ट्रयाक हुँदै विभिन्न ठाउँ परिक्रमा गरी लेकसाइड शाखामै पुगेर समापन भएको हो । कार्यक्रममा पोखरास्थित बैंकका कर्मचारी सहभागी थिए । पोखरासहित प्रधान कार्यालय काठमाडौंलगायत देशभर बैंकले सो कार्यक्रम आयोजना गरेको थियो । बैंकले देशभर २४ लाखभन्दा बढी सेवाग्राहीलाई दुई सय ६८ शाखा र तीन सय १६ एटीएममार्फत सेवा प्रदान गर्दै आएको छ ।


क्याटेगोरी : बैंक बित्त बजार
ट्याग : #Page 6

तपाईको प्रतिक्रिया

guest
0 Comments
Inline Feedbacks
View all comments

0
Would love your thoughts, please comment.x
()
x