काठमाडौं । मन्दाकिनी हाइड्रोपावर लिमिटेडले वार्षिक साधारणसभाको आह्वान गरेको छ । कम्पनीले यही मंसिर सात गते काठमाडौको लाजिम्पाटस्थित नेपाली चुलो रेस्टुरेन्टमा आफ्नो ११औं वार्षिक साधारणसभा गर्न लागेको हो ।
सभामार्फत कम्पनीले गत आर्थिक वर्षको मुनाफाबाट सेयर धनीहरूलाई वितरण गर्ने घोषणा गरेको लाभांश र बोनस सेयर वितरणपश्चात् हकप्रद सेयर निष्काशन गर्ने प्रस्ताव पारित गर्ने तयारी गरेको छ । सभाले हाल कायम चुक्ता पुँजीको पाँच प्रतिशतका दरले बोनस सेयर र सोको कर प्रयोजनार्थ शून्य दशमलव २६ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ । त्यस्तै, सभाले बोनस सेयर वितरणपश्चात एक बराबर एक दशमलव २५ अनुपात हकप्रद सेयर जारी गर्ने विशेष प्रस्ताव पनि पारित गर्नेछ । कम्पनीले माथिल्लो सार्दी खोला जलविद्युत् आयोजना दुई दशमलव नौ मेगावाट परियोजना निर्माण गर्न, डल्फिन पावर प्रालिमा लगानी गर्न तथा बैंक ऋण भुक्तानी गर्न हकप्रद सेयर निष्काशन गर्न लागेको हो । सभाले डल्फिन पावर प्रालिमा गरिएको लगानी अनुमोदन गर्ने तथा थप लगानी गर्ने, प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने प्रस्ताव पनि पारित गर्नेछ ।
वार्षिक साधारणसभासम्बन्धी प्रयोजनका लागि कम्पनीको यही कात्तिक २८ गते एक दिनको लागि सेयर दर्ता किताब बन्द हुनेछ ।
क्याटेगोरी : बैंक बित्त बजार
ट्याग : #Page 6
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया