ज्योति विकास बैंकका ग्राहकहरूलाई ठमेल प्लाजा होटलमा छुट

आर्थिक दैनिक २०८१, कात्तिक ७ १३:२९

काठमाडौं । ज्योति विकास बैंक लिमिटेडले आफ्ना ग्राहकहरूलाई ठमेल प्लाजा होटल एन्ड स्विटअन्तर्गतका दुई वटा होटलमा विशेष छुट प्रदान गर्ने सम्झौता गरेको छ । बैंकले काठमाडौंको ठमेलस्थित रमदा इन्कोर्समा १५ प्रतिशत र पोखराको लेकसाइडस्थित दहिला बुटिक होटलमा १० प्रतिशत छुट प्रदान गर्ने सम्झौता गरेको हो ।

सम्झौतापश्चात् ज्योति विकास बैंकका ग्राहकहरूले यी दुई वटा होटलमा खाना तथा रूम चार्जमा आकर्षक छुट पाउनेछन् । ज्योति विकास बैंकले ग्राहकहरूको सुविधालाई प्राथमिकतामा राख्दै, देशका अन्य विभिन्न व्यवसायहरूसँग निरन्तर सहकार्य गर्दै, ग्राहकहरूलाई विशेष छुट र सुविधा प्रदान गर्दै आइरहेको छ । हालै बैंकले पोखरास्थित कुटी रिर्सोटमा बैंकका ग्राहकहरूलाई २० प्रतिशतसम्मको विशेष छुट प्रदान गर्ने सम्झौता गरेको हो । साथै, बैंकले चितवनस्थित जंगल भिला रिर्सोटमा र मकवानपुरस्थित प्रख्यात टिस्टुङ रिर्सोटमा बैंकका ग्राहकहरूलाई १५ प्रतिशतसम्मको आकर्षक छुट प्रदान गर्ने सम्झौता पनि गरेको छ ।

संस्थागत सुशासनलाई शिरोपर गर्दै, समाजप्रति उत्तरदायी बैंकले नवीनतम चिन्तनका साथ समाजको अभ्युदय र दिगो परिवर्तनको संवाहक बन्दै समस्त नागरिकको जीवन जाज्वल्यमान बनाउने उद्देश्यलाई सदैव उच्च प्राथमिकतामा राख्ने कार्यलाई निरन्तरता प्रदान गर्ने र आगामी दिनहरू पनि परिवर्तनको ज्योति बन्ने अठोटप्रति प्रतिबद्ध रहेको छ । आफ्नो खुद मुनाफाबाट नेपालमा हाल सञ्चालनमा रहेका अन्य बैंक तथा वित्तीय संस्थाहरूले सामाजिक उत्तरदायित्वअन्तर्गत समाजिक कार्यमा गर्ने योगदानभन्दा ५० प्रतिशत बढी रकम छुट्याई समाजप्रति थप उत्तरदायी बनेको यस विकास बैंकले नागरिकको सर्वोत्तम हित सदा उच्च प्राथमिकतामा राखेको छ । स्वास्थ्यप्रद जनशक्ति नै राष्ट्र निर्माणको मेरुदण्ड हो भन्ने दृढ मान्यतालाई शिरोधार्य गर्दै बैंकले नवजात शिशुको अकाल मृत्यु रोकथाम र जीवन रक्षा गर्न चालेको स्पष्ट पहलकदमी तथा योगदानले प्रदान गरेका ४७ वटा बेबी वार्मर उपकरणहरूमार्फत हरेक वर्ष करिब १७ सय १५ भन्दा बढी नेपाली शिशुहरूको अमूल्य जीवन रक्षा गर्न सफल भएको छ । यस्ता जीवन रक्षण गर्ने अतिप्रमुख क्षेत्रमा नेपालमा रहेका बैंक तथा वित्तीय संस्थाहरूमध्ये ज्योति विकास बैंकले अग्रस्थानमा रही काम गर्दै समाजमा एक सकारात्मक परिवर्तनको बीजारोपण गरेको छ ।

बैंकले उपत्यका र उपत्यकाबाहिर गरी हाल एक सय २१ वटा शाखा कार्यालय, तीन वटा विस्तारित काउन्टर तथा ७५ वटा एटीएममार्फत बैंकिङ सेवा उपलब्ध गराउँदै आइरहेको छ ।

क्याटेगोरी : बैंक बित्त बजार
ट्याग : #Page 6

तपाईको प्रतिक्रिया

0 Comments

Inline Feedbacks

View all comments

आजको आर्थिक दैनिक

पेज १

वाणिज्य बैंकहरूको तीन महिनाको नाफा १६ अर्ब

पेज २

जबरजस्ती करणी र गर्भपतन मुद्दाका फरार पक्राउ

पेज ३

काठ तस्करी गर्न पिकअप भ्यानको प्रयोग बढ्दै

पेज ४

शैक्षिक सुधारको आवश्यकता

पेज ५

चीनको विदेशी मुद्रा बजारको कारोबार १० प्रतिशत बढ्यो

पेज ६