बैंक तथा वित्तीय संस्थाहरूको निष्क्रिय कर्जा दुई खर्ब नाघ्यो
सुरेश राउत २०८१, कात्तिक २० १०:२१ 
काठमाडौं । बैंक तथा वित्तीय संस्थाहरूको निष्क्रिय कर्जा बढ्दै गएको छ । सञ्चालनमा रहेका २० वटा वाणिज्य बैंक, १७ वटा विकास बैंक र १७ वटा फाइनान्स कम्पनीहरूको कुल निष्क्रिय कर्जा दुई खर्ब एक अर्ब ८९ करोड ९१ लाख रुपैयाँ पुगेको छ ।
राष्ट्र बैंकका अनुसार चालू आर्थिक वर्षको भदौ मसान्तसम्म बैंक तथा वित्तीय संस्थाहरूले ५२ खर्ब २३ अर्ब २० करोड ७० लाख रुपैयाँ कर्जा प्रवाह गर्दा तीन दशमलव ८६ प्रतिशत निष्क्रिय कर्जा देखिएको हो । जुन गत आर्थिक वर्षको सोही अवधिको तुलनामा शून्य दशमलव ८४ प्रतिशत विन्दु अर्थात् ५३ अर्ब ४१ करोड ८९ लाख ५४ हजार दुई सय रुपैयाँ बढी हो । गत आर्थिक वर्षको सोही अवधिमा बैंक तथा वित्तीय संस्थाहरूले ४९ खर्ब सात अर्ब १८ करोड रुपैयाँ कर्जा प्रवाह गरेकोमा तीन दशमलव शून्य दुई प्रतिशतले हुने एक खर्ब ४८ अर्ब ५१ करोड १० लाख रुपैयाँ निष्क्रिय कर्जा थियो ।
राष्ट्र बैंकका अनुसार वाणिज्य बैंकहरूको निष्क्रिय कर्जा गत भदौ मसान्तसम्म एक खर्ब ७३ अर्ब ६३ करोड ७३ लाख २६ हजार चार रुपैयाँ छ । भदौसम्म वाणिज्य बैंकहरूले ४६ खर्ब १८ अर्ब चार करोड ४० लाख रुपैयाँ कर्जा प्रवाह गर्दा तीन दशमलव ७६ प्रतिशत निष्क्रिय कर्जा देखिएको हो । जुन गत आर्थिक वर्षको सोही अवधिको तुलनामा शून्य दशमलव ७८ प्रतिशत अर्थात् ४४ अर्ब १९ करोड ६९ लाख १४ हजार रुपैयाँ बढी हो । गत आर्थिक वर्षको सोही अवधिमा वाणिज्य बैंकहरूले कुल ४३ खर्ब ४३ अर्ब ६३ करोड ८० लाख रुपैयाँ कर्जा प्रवाह गर्दा दुई दशमलव ९८ प्रतिशतले हुने एक खर्ब २९ अर्ब ४४ करोड चार लाख १२ हजार चार सय रुपैयाँ बराबरको निष्क्रिय कर्जा थियो ।
विकास बैंकहरूमा भने १८ अर्ब २३ करोड २२ लाख दुई हजार चार सय रुपैयाँ निष्क्रिय कर्जा छ । समीक्षा अवधिमा विकास बैंकहरूले कुल पाँच खर्ब तीन अर्ब ६५ करोड ३० लाख रुपैयाँ बराबरको कर्जा प्रवाह गर्दा तीन दशमलव ६२ प्रतिशत निष्क्रिय कर्जा छ । जुन गत आर्थिक वर्षको सोही अवधिको तुलनामा एक दशमलव १३ प्रतिशत अर्थात् छ अर्ब ४९ करोड ४३ लाख १७ हजार पाँच सय रुपैयाँ बढी हो । गत आर्थिक वर्षको सोही अवधिमा विकास बैंकहरूले कुल चार खर्ब ७१ अर्ब ४० करोड १० लाख रुपैयाँ बराबरको कर्जा प्रवाह गर्दा दुई दशमलव ४९ प्रतिशत (११ अर्ब ७३ करोड ७८ लाख ८४ हजार नौ सय रुपैयाँ) बराबरको निष्क्रिय कर्जा थियो ।
फाइनान्स कम्पनीहरूको निष्क्रिय कर्जा १० अर्ब दुई करोड २० लाख ९६ हजार सात सय रुपैयाँ बराबर छ । गत भदौ मसान्तसम्म एक खर्ब एक अर्ब ५४ करोड १० लाख रुपैयाँ बराबरको कर्जा प्रवाह गरेकोमा नौ दशमलव ८७ प्रतिशत निष्क्रिय कर्जा देखिएको हो । जुन गत आर्थिक वर्षको सोही अवधिको तुलनामा दुई दशमलव २७ प्रतिशत अर्थात् तीन अर्ब एक करोड ९३ लाख ८० हजार सात सय रुपैयाँ बढी हो । गत आर्थिक वर्षको सोही अवधिमा फाइनान्स कम्पनीहरूकाले कुल ९२ अर्ब १४ करोड १० लाख रुपैयाँ बराबरको कर्जा प्रवाह गरेकोमा त्यसको सात दशमलव ६० प्रतिशत अर्थात् सात अर्ब दुई करोड ७१ लाख छ हजार रुपैयाँ निष्क्रिय कर्जा थियो ।
क्याटेगोरी : बैंक बित्त बजार
ट्याग : #Page 1
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया