माछापुच्छ्रे बैंकका ६ वटा नयाँ योजनाहरू सार्वजनिक

काठमाडौं ।
माछापुच्छ्रे बैंकले छवटा नयाँ स्र्माट सेवाहरू सञ्चालनमा ल्याएको छ । बैंकले २०औं वार्षिक उत्सवका अवसरमा छवटा स्मार्ट सेवाहरू तथा योजनाहरू सञ्चालनमा ल्याएको हो । बैंकले नेपालमा नै पहिलो पटक वी–च्याट वालेटको भुक्तानी सेवा सञ्चालनमा ल्याएको हो ।

यसैगरी बैंकले ग्राहकहरूले क्यूआरकोड स्क्यान गरी आफ्नो खाताबाट नगद निकाल्न सक्ने गरी एमबीएल स्मार्ट काउन्टरको पनि सुरुवात गरेको छ । बैंकले नयाँ स्मार्ट वेबसाइट पनि सुरुवात गरेको छ । ग्राहकहरूले स्मार्ट वेबसाइटमार्फत बचत खाता खोल्न र क्रेडिट कार्डको अनलाइन आवेदन दिनसक्ने व्यवस्था मिलाएको बैंकले जाकारी दिएको छ ।,

बैंकले २०औँ वार्षिकोत्सवको उपलक्ष्यमा ग्राहकहरूलाई लक्षित गरी विभिन्न २०–२० (ट्वान्टी–ट्वान्टी) अफरहरू सञ्चालनमा ल्याएको छ । यसैगरी बैंकले दरबारमार्ग र लाजिम्पाटमा ग्राहकहरूको सुविधालाई मध्यनजर गर्दै प्राइओर्टी काउन्टर पनि सञ्चालनमा ल्याउने तयारी गरेको छ ।

यसैगरी बैंकले वार्षिकोत्सवको पूर्वसन्ध्यामा ओखलढुंगा जिल्लाको सिद्धिचरण नगरपालिकामा आफ्नो एक सय ६०औँ शाखा कार्यालय समेत सञ्चालनमा ल्याएको छ । बैंकको पूर्वमा झापादेखि पश्चिममा कन्चनपुर साथै हिमालदेखि पहाड र तराईसम्म आफ्ना एक सय ६० वटा शाखाहरू, एक सय ३३ शाखारहित बैकिङ सेवा, पाँचवटा एक्सटेन्सन, एक सय ९९ वटा एटीएमहरू सञ्चालनमा रहेका छन् ।