सनराइज बैंकद्वारा मिसकलमार्फत विद्युुत्को महसुुल भुक्तानी सेवा

काठमाडौं ।
सनराइज बैंकले मिसकलमार्फत विद्युुत्को महसुुल भुक्तानी सेवा सुरु गरेको छ । बैंकले नेपालमै पहिलो पटक मिसकल सेवामार्फत विद्युत् महसुल भुक्तानी गर्ने सेवा सुरु गरेको हो । सेवाको सुरुसँगै अबदेखि सनराइज बैंकमा खाता हुने सम्पूर्ण ग्राहकहरूले बैंकले तोकेको मोबाइल नम्बर ९८५१२७३८६२ मा मिसकल गरेर आफ्नो घरको मासिक विद्युत् महसुल तिर्न सक्नेछन् ।

बैंकका अनुसार यो सेवा प्रयोग गर्नको लागि एक पटक आफ्नो विद्युत् महसुलसम्बन्धी विवरण सनराइज बैंकको कुनै पनि शाखामा दर्ता भने गराउनुपर्नेछ । ग्राहकहरूको सुविधाको लागि डिजिटल दर्ता प्रणाली पनि छिटै कार्यावयनमा आउने बैंकले जानकारी दिएको छ । हालसम्म सनराइज बैंकका ग्राहकहरूले सनराइज स्मार्ट एपबाट बत्ती, पानी आदिको शुल्क भुक्तानी गर्दै आएकोमा अब भने इन्टरनेटबिना नै सामान्य मोबाइलबाटै मिस्डकल गरेर बिजुलीको बिल तिर्न सक्नेछन् । विद्यमान महामारीको समयमा घरैमा बसीबसी यसरी विभिन्न सेवाका शुल्क भुक्तानी गर्न मिल्ने कारण यसले ग्राहकवर्गलाई भिडभाडबाट हुनसक्ने संक्रमणको जोखिमबाट समेत सुरक्षित राख्ने विश्वास बैंकले लिएको छ ।