सनराइज बैंकको चाडपर्वलक्षित उपहार योजना

काठमाडौं ।
सनराइज बैंकले चाडपर्वलक्षित उपहार योजना सार्वजनिक गरेको छ । स्मार्ट बनौँ, डिजिटल बैंकिङ गरौँ अभियानलाई आत्मसाथ गर्दै बैंकले आगामी चाडपर्वलाई लक्षित गरी नयाँ अफर ल्याएको हो । डिजिटल बैंकिङलाई प्रोत्साहन गर्ने उद्देश्यका साथ बैंकले एफवानसफ्टसँग सहकार्य गरी यो योजना ल्याएको हो ।

बैंकका अनुसार यो योजनाअन्तर्गत सनराइजले आफ्नो मोबाइल बैंकिङ सनराइज स्मार्ट एपमार्फत रकम ट्रान्सफर, मोबाइल टपअप, बिल भुक्तानीलगायतका कार्य गर्ने २० जना भाग्यशाली ग्राहकहरूलाई एक, एक थान स्मार्ट फोन प्रदान गर्नेे छ ।

साथै नयाँ ग्राहकहरूलाई प्रोत्साहन गर्न पहिलो पटक मोबाइल टपअपमा १० प्रतिशत रकम वा अधिकतम एक सय रुपैयाँसम्म क्यास ब्याक गर्ने व्यवस्था गरेको बैंकले जानकारी दिएको छ । बैंकले आफ्नो १३औं वार्षिकोत्सवको उपलक्ष्यमा कात्तिक एक गतेदेखि मंसिर पाँच गतेसम्मको लागि यो योजना सञ्चालनमा ल्याएको जानकारी दिएको छ ।