सेञ्चुरी बैंकको नयाँ शाखा कोहलपुरमा

काठमाडौं ।
सेञ्चुरी कमर्सियल बैंक लिमिटेडले कोहलपुरमा पनि शाखा विस्तार गरेको छ । बैंकले आइतबारबाट बाँके जिल्लाको कोहलपुरमा नयाँ शाखा सञ्चालनमा ल्याएको हो । नयाँ शाखा सञ्चालनमा आएलगतै बैंकको शाखा सञ्जाल एक सय १४ पुगेको छ । ग्राहकहरूको सेवामा थप विस्तार गर्ने उद्देश्यले बाँके जिल्लाको कोहलपुरबाट बैंकिङ सेवा सुरु गरेको हो । सबै क्षेत्रसम्म बैंकिङ सेवा विस्तार गर्ने उद्देश्यले यसअघि बैंकले विभिन्न स्थानमा शाखा, शाखारहित बैकिङ सेवा तथा एक्सटेनसन काउन्टरहरू सञ्चालनमा ल्याई बैंकिङ सेवाहरू ग्राहकहरूलाई प्रदान गर्दै आएको छ ।