बीमा समितिद्वारा परिमार्जित कृषि तथा पशुपन्छी बीमा निर्देशिका २०७७ जारी

काठमाडौं ।
बीमा समितिले परिमार्जित कृषि तथा पशुपन्छी बीमा निर्देशिका २०७७ जारी गरेको छ । सोमबार समेतीले बाली तथा पशुन्छी बीमा निर्देशिका २०६९ लाई परिमार्जन गरी कृषि तथा पशुपन्छी बीमा निर्देशिका २०७७ जारी गरेको हो । समितिको अनुसार यो निर्देशिका जारी भएलगत्तै लागू भएको छ । समितिले कृषि तथा पशुपन्छी क्षेत्रमा हुने जोखिमलाई बीमाको माध्यमबाट न्यूनीकरण गरी बीमा प्रवर्द्धन गर्न वान्छनीय भएकोले बीमा ऐन २०४९ को दफा ८ (घ२) ले दिएको अधिकार प्रयोग गरी परिमार्जित निर्देशिका जारी गरिएको जानकारी दिएको छ ।

निर्देशिका अनुसार सबै निर्जीवन बीमा कम्पनीहरूले कृषि तथा पशुपन्छी बीमा गर्नुपर्नेछ । हाल तोकिएको जिल्लाहरूमा अनिवर्यारूपमा बीमा कम्पनीहरूले व्यवसाय सञ्चालन गर्ने पर्नेछ भने अन्य जिल्लाहरूमा समेत बीमा व्यवसाय गर्न पाउने निर्देशिकामा उल्लेख छ । निर्देशिका अनुसार कम्पनीले वार्षिकरूपमामा बिक्री गर्ने कुल बीमालेखको संख्यामध्ये कम्तीमा पाँच प्रतिशत कृषि तथा पशुपन्छी बीमालेख बिक्री गर्नुुपर्नेछ । निदेशिका अनुसार बीमालेखमा प्राप्त हुुने अनुुदानको प्रतिशत र कुन कुुन बीमा लेखमा कति कति अनुदान पाउने भन्ने कुरा नेपाल सरकार, प्रदेश सरकार वा स्थानीय सरकारको निर्णयमा भर पर्नेछ ।