मुक्तिनाथ विकास बैंकद्वारा १५ दशमलव ५१ प्रतिशत लाभांश घोषणा

काठमाडौं ।
मुक्तिनाथ विकास बैंकले १५ दशमलव ५१ प्रतिशत लाभांश वितरण गर्ने घोषणा गरेको छ । बैंकले गत आर्थिक वर्षको खुद मुनाफामध्येबाट हाल कायम रहेको चुक्ता पुँजी चार अर्ब ३२ करोड ३९ लाख ८९ हजार चार सय ८६ रुपैयाँमध्येबाट ११ दशमलव २५ प्रतिशत बोनस सेयर र कर प्रयोजनको लागि समेत गरी चार दशमलव २६ प्रतिशत नगद लाभांश वितरण गर्ने घोषणा गरेको हो । लाभांश वितरणका सम्बन्धमा बैंकको यही मंसिर २१ गते बसेको सञ्चालक समितिको दुुई सय ३८औं बैठकले गरेको निर्णय नेपाल राष्ट्र बैंकको स्वीकृति एवं बैंकको आगामी वार्षिक साधारणसभाबाट पारित भएपछि कार्यान्वयनमा आउनेछ ।