सिद्धार्थ बैंकद्वारा वृद्धाश्रम पुनर्संरचना गर्नका लागि सहयोग

काठमाडौं ।
सिद्धार्थ बैंक लिमिटेडले वृद्धाश्रम पुनर्संरचना गर्नका लागि आर्थिक सहयोग गरेको छ । बैंकले शुक्रबार काठमाडौँंको कागेश्वरी मनोहरा नगरपालिका वडा न ९, गोठाटारस्थित कृष्ण प्रणामी सेवा समिति नेपाललाई सामाजिक उत्तरदायित्वअन्तर्गत दुुई लाख रुपैयाँ आर्थिक सहयोग गरेको हो । उक्त रकम कृष्ण प्रणामी सेवा समिति नेपालले २०७२ सालमा गएको विनाशकारी भूकम्पको कारणले क्षति पुगेको र जोखिममा रहेको कृष्ण प्रणामी भवनको पुनर्संरचनाकार्य गर्नका लागि उपयोग गर्नेछ ।

भवनमा समितिद्वारा वृद्धाश्रम सञ्चालन गर्दै आएको र निर्माणपश्चात् सो भवन समितिले असाहाय वृद्धवृद्धाहरूको आवासका लागि उपयोग गर्नेछ । समाज कल्याणको कार्य गर्दै आइरहेका उक्त संघलाई बैंकले पु-याएको सो रकम सहयोगबाट आश्रय प्रदान हुने र वृद्ध नागरिक कल्याणमा केही हदसम्म भए पनि उत्थान पुग्ने विश्वास बैंकले लिएको छ । बैंकले शिक्षा, स्वास्थय, वातावरण, पर्यटन, सांस्कृतिक सम्पदा, पूर्वधार र सुरक्षाजस्ता क्षेत्रअन्तर्गत विभिन्न सामाजिक उत्तरदायित्व निर्वाहसम्बन्धी कार्यहरूमा सहभागिता जनाउँदै आएको र आगामी दिनहरूमा पनि यसलाई निरन्तरता दिँदै जाने उद्देश्य रहेको जानकारी दिएको छ ।