इन्फिनिटी लघुवित्त वित्तीय संस्थाको तेस्रो वार्षिक साधारणसभा

काठमाडौं, पुस २२
इन्फिनिटी लघुवित्त वित्तीय संस्थाको तेस्रो वार्षिक साधारणसभा सम्पन्न भएको छ । संस्थाका अध्यक्ष खेमराज नेपालले पानसमा दीप प्रज्वलन गर्दै सहमति संस्था, गैंडाकोट, नवपपुरमा यही पुुस १८ गते साधारणसभाको समुद्घाटन गरेको हो । सभामा कम्पनी सचिव तथा प्रमुख कार्यकारी अधिकृत प्रवीणकुमार लामाले उपस्थित सम्पूर्ण सेयरधनी महानुभावहरूलाई स्वागत गरेका थिए । सभाको साधारण प्रस्तावहरूमा आर्थिक वर्ष २०७५/७६ को वार्षिक प्रतिवेदन, लेखापरीक्षकको प्रतिवेदन सहितको २०७६ आषाढ मसान्तसम्मको वासलात, नाफा नोक्सान हिसाब तथा नगद प्रवाह विवरणसहितको वित्तीय विवरणहरू (अनुसूचीहरू समेत), आव २०७५/७६ सम्मको मुनाफाबाट चुक्ता पुँजी २० लाख ७४ हजार रूपैयाँको पाँच प्रतिशतले हुुन आउने एक करोड तीन लाख ७० हजार रूपैयाँबराबरको नगद लाभांश (बोनस सेयर र नगद लाभांशमा लाग्ने करसमेत), आव २०७६/७७ को लागि लेखापरीक्षकको नियुक्ति र सर्वसाधारण समूहको तर्फबाट दुई जना सञ्चालक निर्विरोध निर्वाचित भएको थियो ।

निर्वाचित हुने सञ्चालकमा बैंकिङ क्षेत्रका विज्ञ बलराम विष्ट र समाजसेवी प्रभा खनाल रहेको थियो । विशेष प्रस्तावहरूअन्तर्गत सञ्चालक समितिको प्रस्तावबमोजिम चुक्ता पुँजीको १० प्रतिशत बोनस सेयर, वितरण गर्ने, सञ्चालकहरूको बैठकभत्ता समयसापेक्ष वृद्धि गर्ने, संस्थाको पुँजी वृद्धि गर्न बोनस सेयरपश्चात् कायम हुने चुक्ता सेयर पुँजीको २५ प्रतिशत अर्थात चारबराबर एक अनुपातमा हकप्रद सेयर पुँजी थप गर्ने, संस्थाले एक वा एकभन्दा बढी उपयुक्त लघुवित्त संस्थाहरू गाभ्ने/गाभिने तथा प्राप्ति गर्ने वा प्राप्ति हुन जानेसम्बन्धी अख्तियारी सञ्चालक समितिलाई दिने र संस्थाको प्रबन्धपत्र र नियमावलीमा संशोधन गर्न सञ्चालक समितिलाई अख्तियारी दिने निर्णय गरेको थियो । विविध प्रस्तावअन्तर्गत साधारणसभाको माइन्युटमा हस्ताक्षर गर्ने अख्यितारी संस्थाको अध्यक्ष र कम्पनी सचिवलाई दिने निर्णय गरेको थियो ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments