काठमाडौं, माघ ५
यस साता सेयर बजार परिसूचक १३ सय १० दशमलव २३ अंकमा पुगेर रोकिएको छ । क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि दुई सय ८२ दशमलव ८७ अंकमा पुगेर रोकिएको छ । यस साता धितोपत्र बजारमा एक सय ७७ कम्पनीहरुको कारोबार भएका छन् । जसअनुसार ७५ हजार एक सय ९५ वटा कारोबारमा एक करोड ६६ लाख ७४ हजार चार सय ६८ कित्ता सेयर खरिद बिक्री हुँदा कारोबार रकम छ अर्ब ६७ करोड २० लाख ६१ हजार तीन सय ३६ रुपैयाँ पुगेको छ । यो कारोबार रकम गत साताको तुलनामा झण्डै दुई अर्ब रुपैयाँले बढी हो ।
गत साता भने धितोपत्र बजारमा एक सय ७४ कम्पनीहरुको कारोबार भएका थिए । जसअनुसार ५२ हजार एक सय ६९ वटा कारोबारमा एक करोड ४६ लाख ८२ हजार तीन सय ९६ कित्ता सेयर खरिद बिक्री हुंदा कारोबार रकम चार अर्ब २२ करोड ५५ लाख ६४ हजार दुई सय ४१ रुपैयाँ पुगेको थियो । यस साता नेप्सेको नियमित कारोबार कक्ष पाँच कार्य दिन नै खुल्ला रहेको थियो । सो मध्ये पहिलो, दोस्रो, चौथो र पाँचौं दिन बजार परिसूचक उकालो लागेको थियो भने तेस्रो दिन बजार परिसूचक ओरालो लागेको थियो ।
यस साता पहिलो दिन बजार परिसूचक ४२ दशमलव ६१ अंकले उकालो लागेर १२ सय ५५ दशमलव ७२ अंकमा चढेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि आठ दशमलव ४७ अंकले उकालो लागेर दुई सय ६२ दशमलव ७३ अंकमा चढेको थियो ।
दोस्रो दिन पनि बजार परिसूचक १५ दशमलव १४ अंकले उकालो लागेर १२ सय ७० दशमलव ८६ अंकमा चढेकोमा सेन्सिटिभ इन्डेक्स पनि तीन दशमलव ५५ अंकले उकालो लागेर दुई सय ७६ दशमलव २८ अंकमा चढेको थियो । तेस्रो दिन पनि बजार परिसूचक ओरालो लागेको थियो । उक्त दिन बजार परिसूचक सात दशमलव ४८ अंकले ओरालो लागेर १२ सय ६३ दशमलव ३८ अंकमा झरेकोमा सेन्सिटिभ इन्डेक्स पनि दुई अंकले ओरालो लागेर दुई सय ७४ दशमलव २८ अंकमा झरेको थियो ।
चौंथो दिन भने बजार परिसूचक २० दशमलव ८५ अंकले उकालो लागेर १२ सय ८४ दशमलव २३ अंकमा चढेकोमा सेन्सिटिभ इन्डेक्स पनि चार दशमलव ६८ अंकले उकालो लागेर दुई सय ७८ दशमलव ९७ अंकमा चढेको थियो । अन्तिम कारोबार दिन पनि बजार परिसूचक २६ अंकले उकालो लागेर १३ सय १० दशमलव २३ अंकमा चढेकोे थियो । उक्त दिन सेन्सिटिभ इन्डेक्स पनि तीन दशमलव नौ अंकले उकालो लागेर दुई सय ८२ दशमलव ८७ अंकमा चढेको थियो ।
यस साता बढी रकम कारोबार गर्ने कम्पनीहरुको सूचीमा एनआईसी एशिया बैंक, शिवम सिमेन्ट, नेपाल लाइफ इन्स्योरेन्स कम्पनी आदि परेका छन् । यसैगरी सेयर कारोबार भएको संख्यामा आधारमा भने प्रभु बैंक, कुमारी बैंक, नेपाल क्रेडिट एण्ड कर्मश बैंक आदि परेका छन् । बजार पुंजीकरणको आधारमा भने यस साता पनि नेपाल टेलिकम, नबिल बैंक, नेपाल इन्भेष्टमेन्ट बैंक लगायतका कम्पनीहरु अगाडि परेका छन् । सेयर सूचीकरणतर्फ भने ग्लोवल आईएमई बैंक र सिर्जना फाइनान्सको हकप्रद सेयर सूचीकृत भएका छन् ।
क्याटेगोरी : बैंक बित्त बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया