काठमाडौं । कुमारी बैंक लिमिटेडले ८ दशमलव ६७ प्रतिशत लाभांश वितरण गर्ने घोषणा गरेको छ । बैंकले हाल कायम रहेको चुक्ता पुँजीमध्येबाट छ प्रतिशत अर्थात् एक सय कित्ताबराबर छ कित्ता बोनस सेयर वितरण गर्ने प्रस्ताव गरेको छ । यसैगरी बैंकले कर प्रयोजनको लागि दुई दशमलव ६७ प्रतिशत प्रतिशत नगद लाभांश वितरण गर्ने घोषणा गरेको छ ।
लाभांश वितरणसम्बन्धी सञ्चालक समितिको यही असोज ११ गते बसेको बैंठकले गरेको निर्णय नेपाल राष्ट्र बैंकको स्वीकृति एवं बैंकको आगामी वार्षिक साधारणसभाबाट पारित भएपछि कार्यान्वयनमा आउनेछ । बैंकले आर्थिक वर्ष २०७७–०७८ मा दुई अर्ब ११ लाख ४५ हजार चार सय ६४ रुपैयाँ खुद मुनाफा आर्जन गरेको छ ।
अघिल्लो आवको सोही अवधिमा भने बैंकको यस्तो नाफा एक अर्ब १५ करोड ८५ लाख पाँच हजार नौ सय ९६ रुपैयाँ रहेको थियो । चुक्ता पुँजी १३ अर्ब ८७ करोड ८४ लाख ७४ हजार आठ सय ३६ रुपैयाँ रहेको बैंकले आव २०७७–०७८ मा एक खर्ब ४८ अर्ब ६९ करोड ४० लाख ७० हजार आठ सय छ रुपैयाँ निक्षेप संकलन गरी एक खर्ब ३७ अर्ब ९९ करोड ८५ लाख ७२ हजार दुई सय १२ रूपैयाँ कर्जा प्रवाह गरेको छ । सो अवधिमा पाँच अर्ब २३ करोड ६९ लाख ५५ हजार दुई सय १४ रूपैयाँ खुद ब्याज आम्दानी गरेको बैंकमा एक दशमलव आठ प्रतिशत कर्जा निष्क्रिय रहेको छ ।
अघिल्लो आवमा भने बैंकले एक खर्ब १६ अर्ब ५४ करोड ७० लाख ३३ हजार एक सय ९६ रुपैयाँ निक्षेप संकलन गरी एक खर्ब १० अर्ब ७१ करोड ७२ लाख ५९ हजार पाँच सय ६८ रुपैयाँ कर्जा प्रवाह गरेको थियो । उक्त अवधिमा तीन अर्ब ५७ करोड ३१ लाख ९८ हजार चार सय ७५ रूपैयाँ खुद ब्याज आम्दानी गरेको बैंकमा एक दशमलव ३९ प्रतिशत कर्जा निष्क्रिय रहेको थियो भने स्प्रेडदर चार दशमलव शून्य सात प्रतिशत रहेको थियो ।
क्याटेगोरी : बैंक बित्त बजार
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया