काठमाडौं, माघ २३
रिलायन्स फाइनान्सको नाफा उच्चरूपमा बढेको छ । ‘वित्तीय सेवाको अर्को परिभाषा’ भन्ने नारासहित सञ्चालनमा आएको फाइनान्सले चालू आर्थिक वर्षको दोस्रो त्रैमासिक अवधिमा छ करोड २२ लाख ३९ हजार रूपैयाँ खुद मुनाफा आर्जन गरेको छ । यस अवधिमा फाइनान्सको वितरणयोग्य नाफा भने चार करोड २९ लाख ४४ हजार रूपैयाँ रहेको छ । गत आवको सोही अवधिमा फाइनान्सले ४३ लाख ५० हजार रूपैयाँ खुद मुनाफा कमाएको थियो ।
चुक्तापुँजी ८३ करोड २४ लाख १६ हजार रूपैयाँ रहेको फाइनान्सले चालू आवको दोस्रो त्रैमासिक अवधिमा चार अर्ब ६३ करोड १७ लाख पाँच हजार रूपैयाँ निक्षेप संकलन गरी तीन अर्ब ९० करोड १५ लाख ७८ हजार रूपैयाँ कर्जा प्रवाह गरेको छ । सो अवधिमा ११ करोड लाख ९२ हजार रूपैयाँ खुद ब्याज आम्दानी गरेको फाइनान्समा एक दशमलव ६६ प्रतिशत कर्जा निष्क्रिय रहेको छ ।
गत आवको सोही अवधिमा भने फाइनान्सले तीन अर्ब ६१ करोड चार लाख ७१ हजार रूपैयाँ निक्षेप संकलन गरी तीन अर्ब १६ करोड १३ लाख २५ हजार रूपैयाँ कर्जा प्रवाह गरेको थियो । उक्त अवधिमा आठ करोड ४९ लाख ९० हजार रूपैयाँ खुद व्याज आम्दानी गरेको फाइनान्समा एक दशमलव ९१ प्रतिशत कर्जा निष्क्रिय रहेको थियो ।
यसैबीच फाइनान्सका प्रमुुख कार्यकारी अधिकृत अनिल श्रेष्ठले यस वर्ष १० वटा शाखा खोल्ने तयारी गरेको बताएका छन् । फाइनान्सले यो वर्ष १० वटा शाखा खोल्ने प्रस्ताव राष्ट्र बैंकमा पठाएका उनले बताएका छन् । प्रमुुख कार्यकारी श्रेष्ठका अनुुसार प्रस्तावित शाखाहरूमा उपत्यका बाहिर धनगढी, कोहलपुर, महेन्द्रनगर, अत्तरिया, धुुलाबारी, दमक, बिर्तामोड, भैरहवा र टाँढी रहेका छन् भने उपत्यकाभित्र सितापाइला रहेको छ ।
क्याटेगोरी : बैंक बित्त बजार
ताजा अपडेट
- तनहुँ बस दुर्घटनाः बस चालकको मृत्यु
- परिवार नियोजन सङ्घको केन्द्रीय अध्यक्षमा डा श्रेष्ठ निर्वाचित
- रवि लामिछानेविरुद्ध काठमाडौँबाट पक्राउ पुर्जी जारी
- राष्ट्रपतिसमक्ष नवनियुक्त राजदूतको शपथ
- रास्वपाले दोस्रो चरणको आन्दोलन चलाउने
- साइबर प्रविधिमा आधारित ठगीमा विद्यार्थी बढी संलग्नः राष्ट्र बैंक
- जानकी विवाह महोत्सवको निम्तो दिन मुख्यमन्त्रीको टोली अयोध्या प्रस्थान
- बीमा प्राधिकरण र एक्चुरियल सोसाइटीबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया