काठमाडौं, फागुन ७
सेयर बजार परिसूचक उकालो लागेको छ । साताको तेस्रो कारोबार दिन मंगलबार बजार परिसूचक एक दशमलव ७७ अंकले उकालो लागेर १४ सय एक अंकमा चढेको छ । ‘क’ वर्गका कम्पनीहरूको कारोबार मापन गर्ने सेन्सिटिभ इन्डेक्स पनि यसदिन एक दशमलव नौ अंकले उकालो लागेर दुुई सय ९४ दशमलव ९५ अंकमा चढेको छ । यसदिन कुुल एक सय ८१ वटा कम्पनीहरूको कारोबार भएका छन् । जसअनुुसार २० हजार आठ सय ५९ वटा कारोबारमा ५४ लाख ६८ हजार चार सय ८३ कित्ता सेयर खरिदबिक्री हुँदा कारोार रकम दुुई अर्ब १२ करोड ५९ लाख ७७ हजार ३४ रूपैयाँ पुुगेको छ ।
नेपाल स्टक एक्सचेन्ज लिमिटेड (नेप्से)मा यसदिन १२ वटा समूहको कारोबार भएकोमा चारवटा समूहको सूचक उकालो लागेका छन् भने आठवटा समूहको सूचक ओरालो लागेका छन् । जसमध्ये वाणिज्य बैंक समूहको सूचक सात दशमलव २८ अंकले उकालो लागेर ११ सय ९८ दशमलव ३२ अंकमा चढेकोमा विकास बैंक समूहको सूचक ११ दशमलव ५४ अंकले उकालो लागेर १८ सय ६३ दशमलव छ अंकमा चढेको छ । यसैगरी उत्पादनमूलक समूहको सूचक पनि २६ दशमलव १७ अंकले उकालो लागेर २७ सय छ दशमलव ९४ अंकमा चढेकोमा सामूहिक लगानी कोष समूहको सूचक पनि शून्य दशमलव दुुई अंकले उकालो लागेका छन् ।
जलविद्युुत् समूहको सूचक भने यसदिन १८ दशमलव ४७ अंकले ओरालो लागेर एक हजार ३० दशमलव २६ अंकमा झरेकोमा लघुवित्त समूहको सूचक पनि १४ दशमलव ७५ अंकले ओरालो लागेर २४ सय चार दशमलव ८५ अंकमा झरेको छ । यसैगरी निर्जीवन बीमा समूहको सूचक पनि १२ दशमलव ८६ अंकले ओरालो लागेर छ हजार सात सय ८६ दशमलव चार अंकमा झरेकोमा जीवन बीमा समूहको सूचक पनि ६७ दशमलव ६७ अंकले ओरालो लागेर आठ हजार ८५ दशमलव ९३ अंकमा झरेको छ । यीबाहेक ट्रेडिङ, होटल, फाइनान्स र अन्य समूहको सूचक पनि क्रमशः शून्य दशमलव २२, ३१ दशमलव ५६, सात दशमलव १७ र दुुई दशमलव ३५ अंकले ओरालो लागेका छन् ।
यसदिन कमाउने कम्पनीको सूचीमा पहिलो स्थानमा परेको कालिका माइक्रोफाइनान्स वित्तीय संस्थाको सेयर मूल्य नौ रूपैयाँ ८७ पैसाले बढेर सात सय ६८ रूपैयाँमा किनबेच भएको छ । दोस्रो स्थानमा परेको घलेम्दी हाइड्रोपावर कम्पनीको सेयर मूल्य नौ रूपैयाँ ५२ पैसाले बढेर ६९ रूपैयाँमा किनबेच भएको छ । यीबाहेक शाइन रेसुङ्गा डेभलपमेन्ट बैंक, राष्ट्रिय बीमा कम्पनी आदिको सेयर मूल्य पनि बढेका छन् । गुमाउने कम्पनीको सूचीमा परेको लक्ष्मी लघुुवित्त वित्तीय संस्थाको सेयर मूल्य पाँच रूपैयाँ ६३ पैसाले घटेर ११ सय ४५ रूपैयाँमा किनबेच भएको छ । दोस्रो स्थानमा परेको पाँचथर पावर कम्पनीको सेयर मूल्य चार रूपैयाँ ५१ पैसाले घटेर एक सय २७ रूपैयाँमा किनबेच भएको छ । यीबाहेक एनएलजी इन्स्योरेन्स कम्पनी, सेन्ट्रल फाइनान्स आदिको सेयर मूल्य पनि घटेका छन् ।
यसदिन एनआईसी एसिया बैंकको सबैभन्दा बढी रकम कारोबार भएको छ । बैंकको प्रतिकित्ता पाँच सय ५० रूपैयाँ अन्तिम मूल्यमा १० करोड ६४ लाख ३१ हजार सात सय पाँच रूपैयाँको कारोबार भएको छ । दोस्रो स्थानमा परेको एनएमबी बैंकको प्रतिकित्ता चार सय ११ रूपैयाँ अन्तिम मूल्यमा नौ करोड ५८ लाख ५६ हजार छ सय २३ रूपैयाँको कारोबार भएको छ । यीबाहेक हिमालयन डिष्ट्रिलरी प्रालि, शिवम् सिमेन्ट आदिको पनि बढी रकम कारोबार भएका छन् । नेप्सेका अनुसार यसदिन नेपाल क्रेडिट एण्ड कमर्स बैंकको एक करोड २२ लाख सात सय ६१ कित्ता बोनस सेयर सूचीकृत भएको छ भने युनाइटेड इन्स्योरेन्स कम्पनीको पनि ७२ लाख ५७ हजार छ सय कित्ता बोनस सेर सूचीकृत भएको छ । यसैगरी लक्ष्मी बैंकको १० प्रतिशत ऋणपत्र २०८६ अन्तर्गतको २० लाख कित्ता सेयर नियमित कारोबारको लागि सूचीकृत भएका छन् ।
क्याटेगोरी : बैंक बित्त बजार
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया