धौलागिरी लघुवित्तले साधारण सेयर निष्काशन गर्ने
काठमाडौं । धौलागिरी लघुवित्त वित्तीय संस्था लिमिटेडले आईपिओ निष्काशन गर्ने भएको छ । नेपाल धितोपत्र बोर्डले यही असार २४ गते शुक्रबार वित्तीय संस्था लिमिटेडलाई सेयर निष्काशन अनुमति प्रदान गरेको थियो ।
बोर्डबाट अनुमति पाएसँगै लघुवित्तले प्रतिकित्ता एक सय रुपैयाँ अंकित मूूल्य कायम रहने गरी तीन करोड ३१ लाख रुपैयाँबराबरको तीन लाख ३१ हजार कित्ता साधारण सेयर निष्काशन लागेको हो । बिक्री गरिने कुल सेयरमध्येमा शून्य पाँच प्रतिशत अर्थात् पाँच हजार एक सय ५५ कित्ता सेयर कर्मचारीहरूको लागि, पाँच प्रतिशत अर्थात् १६ हजार पाँच सय ५० कित्ता सामूहिक लगानी कोषको लागि र बाँकी रहेको तीन लाख नौ हजार दुई सय ९५ कित्ता सेयर सर्वसाधारणमा बिक्री हुनेछ ।
साधारण सेयर निष्काशनको लागि लघुवित्तले सनराइज क्यापिटल लिमिटेड, कमलपोखरी, काठमाडौंलाई धितोपत्र निष्काशन तथा बिक्री प्रबन्धकको रूपमा यसअघि नै तोकिसकेको छ । वित्तीय संस्थाको जारी पुँजी १० करोड ३१ लाखको ३२ दशमलव १० प्रतिशतबराबरको साधारण सेयर निष्काशन गर्न लागेको हो ।
अधिकृत पुँजी १५ करोड तथा जारी पुँजी १० करोड रुपैयाँ रहेको संस्थाको हाल चुक्ता पुँजी सात करोड रुपैयाँ रहेको छ । साधारण सेयरको बिक्रीपश्चात् भने संस्थाको चुक्ता पुँजी १० करोड ३१ लाख रुपैयाँ पुग्ने छ । बिक्री प्रबन्धन सनराइज क्यापिटलमार्फत यही साउन २५ गतेबाट खुला हुने साधारण सेयरको बिक्रीकार्य छिटोमा साउन २९ गते र ढिलोमा भदौ सात गते बन्द हुनेछ ।
राष्ट्रियस्तरको कार्यक्षेत्र रहेको यस वित्तीय संस्थाले बाग्लुङ नगरपालिका—२, श्रीनगर टोल, बाग्लुङगमा रजिष्टर्ड कार्यालयमार्फत आफ्नो कारोबार सञ्चालन गर्दै आइरहेको छ । वित्तीय संस्थाले आफ्नो ४४ वटा शाखा कार्यालहरू र दुईवटा उपशाखाहरू स्थापना गरी सेवाग्राहीहरूलाई लघुवित्त कारोबार गर्दै आइरहेको छ ।
क्याटेगोरी : बैंक बित्त बजार
ताजा अपडेट
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
- आजको विदेशी मुद्रा विनिमयः अमेरिकी डलर, यूरो र पाउन्डको मूल्य घट्यो
- रुपन्देहीमा उद्योग खोल्नेभन्दा बन्द गर्ने धेरै, दुई महिनामा एक सय आठ उद्योग बन्द
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया