काठमाडौं । बैंकिङ कसुर मुद्दाका दुई जना फरार प्रतिवादीहरू पक्राउ परेका छन् । नेपाल प्रहरीअन्तर्गतको दुईवटा निकाय केन्द्रीय अनुसन्धान ब्युरो (सीआईबी) र काठमाडौं उपत्यका अपराध अनुसन्धान कार्यालयले दुईवटा फरक–फरक मुद्दाका दुई जना फरक–फरक व्यक्तिलाई बैंकिङ कसुरको अभियोगमा पक्राउ गरेको हो ।
जसअन्तर्गत बुधबार सीआईबीले फरार प्रतिवादी काठमाडौं महानगरपालिका–१४ कलंकी बस्ने धुव्रेन्द्र बहादुर श्रेष्ठलाई बुधबार पक्राउ गरेको छ । उच्च अदालत पाटनको गत असार २४ गतेको फैसलाले बैंकिङ कसुर मुद्दामा छ दिन कैद र १८ लाख १४ हजार पाँच सय रुपैयाँ जरिवाना ठहर भई फरार रहेका श्रेष्ठलाई काठमाडौं बबरमहलबाट पक्राउ गरेको हो । श्रेष्ठले एभरेष्ट बैंक लिमिटेड कलंकी शाखामा रहेको आफ्नो खातामा पर्याप्त मौज्दात रकम नभएको भन्ने जानी–जानी पीडितलाई झुक्यानमा पारी दिएको चेकको रकम भुक्तान हुन नसकेको घटनामा अदालतले उक्त फैसला गरेको थियो । उनलाई काठमाडौं जिल्ला अदालतको आदेशले कैद भुक्तानको लागि कारागार कार्यालय सुन्धारा सीआईबीले जानकारी दिएको छ ।
यसैगरी काठमाडौं उपत्यका अपराध अनुसन्धान कार्यालय मिनभवनले पनि भक्तपुरको सूर्यविनायक वडा नं ६ घर भएका ६१ वर्षीय सिताराम शाहीलाई पक्राउ गरेको छ । कार्यालयका प्रवक्ता एवं सूचना अधिकारी प्रहरी उपरीक्षक कृष्ण प्रसाद कोइरालाका अनुसार बैंकिङ कसुर मुद्दामा उच्च अदालत पाटन ललितपुरको २०७९ असार छ गतेको फैसलाले १६ लाख १९ हजार रुपैयाँ जरिवाना चार दिन कैद तोकिएका भक्तपुर नगरपालिका वडा नं ९ घर भई हाल सोही नगरपालिका वडा ६ बस्ने ६१ वर्षीय शाहीलाई पक्राउ गरिएको हो । बुधबार काठमाडौंको बिजुलीबजार क्षेत्रबाट पक्राउ शाहीलाई सोही दिन काठमाडौं जिल्ला अदालतमा उपस्थित गराइएको प्रवक्ता कोइरालाले जानकारी दिएका छन् ।
क्याटेगोरी : बैंक बित्त बजार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया