काठमाडौं । युनिलिभर नेपाल लिमिटेडले आफ्ना वितकरकहरूको व्यावसायिक कर्जा सुरक्षा समाधानका योजनाहरू विस्तार गर्दै नबिल बैंक लि.सँग च्यानल फाइनान्सिङ लागि सम्झौता गरेको छ । यही भदौ २० गते युनिलिभर नेपाल लि.का तर्फबाट प्रबन्धक निर्देशक, अमलान मुखरजी र नबिल बैंक लि.का तर्फबाट प्रमुख कार्यकारी अधिकृत, ज्ञानेन्द्र प्रसाद ढुंगानाले नबिल बैंक लि.का वरिष्ठ नायब प्रमुख कार्यकारी अधिकृत सुजित कुमार शाक्य र एसएमई तथा लघुवित्तका प्रमुख निरज बस्नेत (डनिल)का साथै युनिलिभरका मुख्य वितरकहरूको उपस्थितिमा सम्झौता ज्ञापनपत्रमा हस्ताक्षर गरेका हुन् । सम्झौता हस्ताक्षरसँगै हामीले आफ्ना तीन जना प्रमुख वितरकहरूलाई च्यानल फाइनान्सिङ सुविधाका लागि सिफारिसपत्र पनि हस्तान्तरण गरेका छौँ, युनिलिभरले भनेको छ ।
यसअन्तर्गत युनिलिभर नेपाल लि.सँग आबद्ध व्यवसायीहरूले च्यानल पार्टनरको रूपमा थप व्यवसाय विस्तार गर्न चालू पुँजीमा लगानी गर्ने उद्देश्यका लागि आर्कषक ब्याजदर र धितो अनुपातमा नबिल बैंकका देशैभरि फैलिएका शाखा सञ्जालहरूबाट च्यानल फाइनान्सिङ कर्जा उपभोग गर्न पाउनेछन् । च्यानल फाइनान्सिङका प्रमुख आकर्षणअन्तर्गत च्यालन प्रिन्सिपलले आफ्ना च्यालन पार्टनरहरूलाई सामान बिक्री गरेको बिलबराबरको पूरा रकम भुक्तानी हुने कर्जा सुविधा उपलब्ध हुनेछ । साथै व्यवसायीहरूको लागि व्यवसाय विस्तार गर्न अन्य एसएमई कर्जा पनि उपलब्ध हुनेछ ।
यस सहकार्यबाट नेपालभरि दुई सयभन्दा बढी शाखाहरू चलयमान रहेको नबिल बैंक लिमिटेडमार्फत नेपालभरि रहेका हाम्रा अधिकांश वितरकहरूले उपरोक्त कर्जा सुविधा सरलरूपले प्राप्त गर्न सक्नेछन् भने हाम्रा उपभोक्ताहरूले अनवरतरूपमा दैनिक उपभोज्ञ ब्रान्डहरूको उपभोग गर्न सकिने सुनिश्चितता समेत प्राप्त भएको छ । हामी युनिलिभर नेपाल लिमिटेड र नबिल बैंक लिमिटेडसँगको यस समझदारीको निम्ति सहकार्यका साथ अगाडि बढ्नेमा प्रतिबद्ध भएको युलिलिभरले जनाएको छ ।
क्याटेगोरी : बैंक बित्त बजार
ताजा अपडेट
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया