साधना लघुवित्तको नाफा दुई करोड ५५ लाख

काठमाडौं । साधना लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा दुई करोड ५५ लाख ७९ हजार नौ सय १६ रुपैयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा सात करोड ५७ लाख ७४ हजार सात सय ३७ रुपैयाँ रहेको थियो ।

हाल चुक्ता पुँजी ३२ करोड १२ लाख २५ हजार पाँच सय रूपैयाँ रहेको संस्थाले चालू आवको दोस्रो त्रैमासमा एक अर्ब ४० करोड १९ लाख ५५ हजार दुई सय ८३ रुपैयाँ निक्षेप संकलन गरी पाँच अर्ब ३० करोड ७८ लाख ३३ हजार आठ सय ४२ रुपैयाँ कर्जा प्रवाह गरेको छ । सो अवधिमा १३ करोड आठ लाख ८४ हजार आठ सय ६७ रुपैयाँ खुद ब्याज आम्दानी गरेको संस्थामा तीन दशमलव ९७ प्रतिशत कर्जा निष्क्रिय रहेको छ । वितरणयोग्य नाफा एक करोड ९९ लाख ५२ हजार तीन सय ३५ रुपैयाँ रहेको संस्थाको स्प्रेड दर भने तीन दशमलव ९० प्रतिशत रहेको छ ।

गत आवको सोही अवधिमा भने संस्थाले एक अर्ब ३४ करोड २१ लाख ९० हजार चार सय २६ रुपैयाँ निक्षेप संकलन गरी पाँच अर्ब ३८ करोड ५८ लाख ७९ हजार ८० रुपैयाँ कर्जा प्रवाह गरेको थियो । उक्त अवधिमा १४ करोड ८८ लाख ५० हजार सात सय रुपैयाँ खुद ब्याज आम्दानी गरेको संस्थामा एक दशमलव २८ प्रतिशत कर्जा निष्क्रिय रहेको थियो भने स्प्रेड दर छ दशमलव ८१ प्रतिशत रहेको थियो ।