समृद्धि फाइनान्सको वित्तीय चेतनामूलक कार्यक्रम

काठमाडौं । समृद्धि फाइनान्सले युवावर्गलक्षित वित्तीय चेतनामूलक कार्यक्रम गरेको छ । हेटौंडा शाखा कार्यालयले शनिबार रोड हाउस रेस्टुरेन्टमा स्थानीय युवाहरूमाझ र आइतबार बनेपा शाखा कार्यालयले बनेपास्थित मिलिनियम कलेजमा विद्यार्थीमाझ युवावर्गलक्षित वित्तीय चेतनामूलक कार्यक्रम गरेको हो ।

ग्लोबल मनि सप्ताहको सन्दर्भमा ‘प्लान योर मनि, प्लान योर फ्युचर’ भन्ने नारालाई आत्मसात् गर्दै कार्यक्रम आयोजना गरिएको फाइनान्सले जनाएको छ । भविष्यमा थप शाखाहरूबाट नियमितरूपमा विभिन्न वर्गहरू लक्षित वित्तीय चेतनामूलक कार्यक्रम आयोजना गरिने तालिका रहेको पनि फाइनान्सले जनाएको छ ।