नेपाल लाइफका अभिकर्तालाई प्रशिक्षण

काठमाडौं । नेपाल लाइफ इन्स्योरेन्स कम्पनीले आइतबार इटहरीमा एकदिवसीय अभिकर्ता प्रशिक्षण कार्यक्रम सम्पन्न गरेको छ । अन्तर्राष्ट्रिय प्रशिक्षकद्वारा प्रशिक्षण दिइएको यस कार्यक्रममा कोशी प्रदेश र मधेश प्रदेशबाट पाँच सयभन्दा बढी अभिकर्ता तथा एजेन्सी म्यानेजरहरूको सहभागिता थियो ।

कार्यक्रमलाई भर्चुअल माध्यमबाट सम्बोधन गरेका इन्स्योरेन्सका प्रमुख कार्यकारी अधिकृत प्रवीण रमण पराजुलीले यस्तो कार्यक्रमले अभिकर्ताहरूको सिकाइमा टेवा पुग्ने विश्वास व्यक्त गरे । उनले अभिकर्ताको व्यक्तित्व विकासमा सहयोग पुग्नुका साथै व्यवसाय विस्तारमा समेत सघाउ पुग्ने विश्वास व्यक्त गरे ।

प्रमुख कार्यकारी पराजुलीले इन्स्योरेन्सले भर्खरै सार्वजनिक गरेको ‘नेपाल लाइफ सुनौलो भविष्य जीवन बीमा योजना’ आकर्षक र प्रतिस्पर्धी योजना भएकाले यसबाट अधिककतम लाभ उठाउन आग्रह गरे । कार्यक्रममा भारतको मुम्बइबाट आएका जीवन बीमाका अन्तर्राष्ट्रिय ख्यातिप्राप्त प्रशिक्षक तथा बीमा अभिकर्ता विजय कुमार झाले सहभागीहरूलाई प्रशिक्षण दिएका थिए ।