नागरिक लगानी कोष र आईएमई लाइफबीच सम्झौता

काठमाडौं । नागरिक लगानी कोषले आईएमई लाइफ इन्स्योरन्स कम्पनीको सेयर प्रत्याभूति गर्ने भएको छ । यससम्बन्धी सम्झौतापत्रमा कोषका कार्यकारी निर्देशक रमण नेपाल र इन्स्योरेन्सका प्रमुख कार्यकारी अधिकृत कवि फुयाँलले हस्ताक्षर गरेका छन् ।

इन्स्योरेन्सले एक सय रुपैयाँ अंकित मूल्यमा एक सय ७६ रुपैयाँ प्रमियम थप गरी दुई सय ७६ रुपैयाँ प्रतिकित्ताका दरले तीन अर्ब ३१ करोड २० लाख रुपैयाँबराबरको एक करोड २० लाख कित्ता सेयर सार्वजनिक निष्काशन गर्न लागेको छ । सोही मूल्यको सेयर कोषले प्रत्याभूति गर्ने भएको हो ।