बेस्ट फाइनान्सको २६औँ वार्षिक साधारणसभा

काठमाडौं । बेस्ट फाइनान्स कम्पनी लिमिटेडको २६औँ वार्षिक साधारणसभा सम्पन्न भएको छ । उक्त साधारणसभाको उद्घाटन सञ्चालक समितिका अध्यक्ष खिमलाल पौडेलले गरेका थिए ।

सभाले आर्थिक वर्ष २०७८/०७९ को सञ्चालक समितिको प्रतिवेदन तथा वार्षिक वित्तीय विवरण पारित गरेको छ । यस्तै आर्थिक वर्ष २०७९/०८० का लागि बाह्य लेखापरीक्षकको नियुक्तिको प्रस्ताव पारित गरेको छ । साधारणसभामा सेयरधनीहरूले राखेका प्रश्नको जवाफ सञ्चालक समितिका अध्यक्ष पौडेलले दिएका थिए । संस्थाको भावी योजनाकासम्बन्धमा प्रमुख कार्यकारी अधिकृत उमेश सिंह भण्डारीले जानकारी गराएका थिए । फाइनान्सले देशभर १८ वटा शाखा कार्यालयबाट बैंकिङ सेवा सञ्चालन गरिरहेको तथा आगामी वर्षमा थप शाखा विस्तार गर्दै लैजाने योजना बनाएको बैंकले जनाएको छ । फाइनान्सले डिजिटल बेकिङ, सी–आस्वा सेवा, अनलाइनमार्फत खाता खोल्ने सुविधालगायतका सेवा पनि दिँदै आएको छ ।