महिला लघुवित्तको नाफा पाँच करोड बढी

काठमाडौं । महिला लघुवित्त वित्तीय संस्थाले चालू आर्थिक वर्षको तेस्रो त्रैमासिक अवधिमा पाँच करोड २४ लाख ८८ हजार तीन सय चार खुद मुनाफा आर्जन गरेको छ । गत आर्थिक वर्षको सोही अवधिमा लघुवित्तले नाफा ११ करोड ११ लाख ९५ हजार दुई सय ६९ रुपैयाँ नाफा गरेको थियो ।

२१ करोड ७५ लाख ६२ हजार पाँच सय रुपैयाँ चुक्ता पुँजी रहेको लघुवित्तले चालू आर्थिक वर्षको तेस्रो त्रैमासमा एक अर्ब ४३ करोड ८८ लाख ८७ हजार नौ सय ७८ रुपैयाँ निक्षेप संकलन गरी चार अर्ब ३० करोड ७४ लाख ३१ हजार एक सय ७६ रुपैयाँ कर्जा प्रवाह गरेको छ । सो अवधिमा २० करोड ५८ लाख ६९ हजार दुई सय ३२ रुपैयाँ खुद ब्याज आम्दानी गरेको लघुवित्तको निष्क्रिय कर्जा नौ दशमलव ८० प्रतिशत छ ।

गत आर्थिक वर्षको सोही अवधिमा भने लघुवित्तले एक अर्ब ३४ करोड १९ हजार पाँच सय ६९ रुपैयाँ निक्षेप संकलन गरी चार अर्ब ३९ करोड ५२ लाख ३९ हजार चार सय ७८ रुपैयाँ कर्जा प्रवाह गरेको थियो । उक्त अवधिमा २१ करोड ३४ लाख ९१ हजार छ सय ८४ रुपैयाँ खुद ब्याज आम्दानी गरेको लघुवित्तको निष्क्रिय कर्जा दुई दशमलव ९७ प्रतिशत थियो ।