युनिक लघुवित्तद्वारा साधारण सेयरको बिक्री आह्वान

काठमाडौं  । युनिक लघुवित्त वित्तीय संस्थाले साधारण सेयरको बिक्री आह्वान गरेको छ । संस्थाले यही जेठ ११ गतेबाट एक सय रुपैयाँ अंकितको तीन करोड ७९ लाख ४२ हजार पाँच सय रुपैंयाँ बराबरको तीन लाख ७९ हजार चार सय २५ कित्ता साधारण सेयरको बिक्री आह्वान गरेको हो ।

सेयर निष्काशन तथा बिक्री प्रबन्धकको रूपमा मुक्तिनाथ क्यापिटल रहेको संस्थाको साधारण सेयरको बिक्री कार्य छिटोमा यही जेठ १६ गते र ढिलोमा यही जेठ २५ गते बन्द हुनेछ । खरिदकर्ताहरूले न्यूनतम् १० देखि अधिकतम् एक हजार कित्तासम्मको सेयर खरिदको लागि आवेदन दिन सक्ने संस्थाले जानकारी दिएको छ ।