साधना लघुवित्तको नाफा एक करोड ३१ लाख

काठमाडौं । साधना लघुवित्त वित्तीय संस्थाले चालु आर्थिक वर्षको तेस्रो त्रैमाससम्म एक करोड ३१ लाख ४१ हजार तीन सय ९७ रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा लघुवित्तको नाफा नौ करोड २२ लाख पाँच हजार एक सय ६४ रुपैयाँ थियो ।

हाल चुक्ता पुँजी ३८ करोड २२ लाख ५८ हजार तीन सय ४५ रुपैयाँ रहेको लघुवित्तले समीक्षा अवधिमा एक अर्ब ३२ करोड १४ लाख ८१ हजार छ सय ४१ रुपैंयाँ निक्षेप संकलन गरी पाँच अर्ब पाँच करोड ७० लाख ४७ हजार छ सय ३३ रुपैयाँ कर्जा प्रवाह गरेको छ । सो अवधिमा १६ करोड ८७ लाख १७ हजार नौ सय ६२ रुपैयाँ खुद ब्याज आम्दानी गरेको लघुवित्तको निष्क्रिय कर्जा चार दशमलव ६२ प्रतिशत रहेको थियो ।

गत आर्थिक वर्षको सोही अवधिमा लघुवित्तले एक अर्ब ३४ करोड २१ लाख ९० हजार चार सय २६ रुपैयाँ निक्षेप संकलन गरी पाँच अर्ब ३८ करोड ५८ लाख ७९ हजार ८० रुपैयाँ कर्जा प्रवाह गरेको थियो । समीक्षा अवधिमा २१ करोड ८९ लाख ६१ हजार एक सय ८१ रुपैयाँ खुद ब्याज आम्दानी गरेको लघुवित्तको खराब कर्जा एक दशमलव ८६ प्रतिशत थियो ।