सिटिजन्स बैंकका ग्राहक छुट

काठमाडौं । सिटिजन्स बैंक इन्टरनेसनल लिमिटेडले आफ्ना ग्राहकलाई विभिन्न सेवामा छुट पाउनेगरी सम्झौता गरेको छ । अब उक्त बैंकमा खाता रहेका ग्राहकहरूले रेस्टुरेन्टदेखि साइकल खरिद गर्दासम्म छुट पाउने भएका हुन् ।

बैंकका ग्राहकले काठमाडौंको नक्सालमा रहेको आबुरी रेस्टुरेन्टमा अधिकतम १० प्रतिशत छुट पाउने भएका छन् । यसैगरी, नक्सालमै रहेको वी केयर हेल्थ सेन्टरका सेवामा अधिकतम् १५ प्रतिशतसम्म छुट पाउने भएका छन् । त्यस्तै, भद्रकालीमा रहेको फन ल्यान्ड इन्टरटेनमेन्ट प्रा.लि.को प्रवेश शुल्कमा ४० प्रतिशतसम्म छुट पाउने भएको बैंकले जनाएको छ । काठमाडौंबाहिर धरान उपमहानगरपालिका, वडा न. १० मा अवस्थित टस्क माउन्टेन बाइक स्टोरबाट बाइसाइकल खरिद गर्दा खरिद मूल्यमा अधिकतम् ८ प्रतिशतसम्म छुट पाउनेछन् ।

बैंकले डिजिटल बैंकिङ माध्यमको प्रयोगलाई बढाउन र ग्राहकलाई डिजिटल भुक्तानीका लागि प्रोत्साहन गर्न समय–समयमा ग्राहकमैत्री सुविधाहरू सञ्चालन गर्दै आएको छ । डिजिटल कारोबार गर्दा पाइने छुटसम्बन्धी विस्तृत विवरणहरू सिटिजन्स बैंकको वेबसाइटमा प्राप्त गर्न सकिने बैंकले जनाएको छ ।