समिट लघुवित्तले कमायो चार करोड ४२ लाख

काठमाडौं  । समिट लघुवित्त वित्तीय संस्थाले चालु आर्थिक वर्षको तेस्रो त्रैमासिकमा चार करोड ४२ लाख २१ हजार रुपैंयाँ खुद मुनाफा आर्जन गरेको छ । गत आर्थिक वर्षको सोही अवधिमा लघुवित्तको नाफा ११ करोड ७४ लाख १६ हजार रुपैंयाँ रहेको थियो ।

चुक्ता पुँजी ५६ करोड १० लाख रुपैयाँ रहेको संस्थाले चालु आर्थिक वर्षको तेस्रो त्रैमासिकमा एक अर्ब ३६ करोड ४० लाख ६४ हजार रुपैंयाँ निक्षेप संकलन गरी छ अर्ब सात करोड २६ लाख ८५ हजार रुपैयाँ कर्जा प्रवाह गरेको छ । सो अवधिमा १८ करोड ४१ लाख ६७ हजार रुपैयाँ खुद ब्याज आम्दानी गरेको लघुवित्तको खराब कर्जा चार दशमलव १६ प्रतिशत छ । लघुवित्तको प्रोभिजन रकम चार करोड ९४ लाख ८० हजार रुपैंयाँ छ ।

गत आ.व.को सोही अवधिमा लघुवित्तले एक अर्ब ३२ करोड ७७ लाख ७८ हजार रुपैयाँ निक्षेप संकलन गरी पाँच अर्ब ८३ करोड २६ लाख दुई हजार रुपैंयाँ कर्जा प्रवाह गरेको थियो । उक्त अवधिमा २३ करोड ३२ लाख ५६ हजार रुपैयाँ खुद ब्याज आम्दानी गरेको लघुवित्तको प्रोभिजन रकम दुई करोड २७ लाख ४९ हजार रुपैयाँ थियो । सो अवधिमा लघुवित्तको निष्क्रिय कर्जा एक दशमलव ७६ प्रतिशत थियो ।