समिट लघुवित्तको साधारणसभा

काठमाडौं । समिट लघुवित्त वित्तीय संस्थाले वार्षिक साधारण सभाको आह्वान गरेको छ । संस्थाले यही जेठ ३० गते आफ्नो १४ औं वार्षिक साधारण सभा गर्न लागेको हो ।

काभ्रेपलाञ्चोकको बनेपास्थित अरनिको पार्टी प्यालेसमा हुने साधारण सभामार्फत संस्थाले हाल कायम रहेको चुक्ता पुँजी ४९ करोड ४० लाख रुपैयाँमध्येबाट १३ दशमलव ५६ प्रतिशतको दरमा हुन आउने छ करोड ७० लाख रुपैयाँ बराबरको बोनस सेयर दिने प्रस्ताव पारित गर्ने तयारी गरेको छ । यसबाहेक संस्थाले सोही वार्षिक साधारण सभामार्फत अधिकृत पुँजी वृद्धि गरी ७० करोड रुपैयाँ पु-याउने प्रस्ताव पनि पारित गर्ने तयारी गरेको छ ।