छ्याङदी हाइड्रोपावरले हकप्रद सेयर निष्कासन गर्ने

काठमाडौं । छ्याङदी हाइड्रोपावर लिमिटेडले हकप्रद सेयर निष्कासन गर्ने भएको छ । कम्पनीले २०८० वैशाख २८ गते सम्पन्न भएको नवौं वार्षिक साधारण सभाबाट पारित भएअनुसार हाल कायम रहेको चुक्ता पुँजीको एक बराबर एकको अनुपातमा हकप्रद सेयर जारी गर्न लागेको हो ।

सोअनुसार कम्पनीले एक सय रुपैयाँ अंकित मूल्य कायम रहने गरी ३८ करोड ६९ लाख ७७ हजार पाँच सय रुपैयाँ बराबरको ३८ लाख ६९ हजार सात सय ७५ कित्ता हकप्रद सेयर निष्कासन गर्नेछ । कम्पनीले हकप्रद सेयरको निष्कासन एवं बिक्री प्रबन्धकको लागि भने बिओके क्यापिटल मार्केट लिमिटेडलाई नियुक्त गरेको छ ।