कालिका लघुवित्तको खुद मुनाफामा गिरावट

काठमाडौं । कालिका लघुवित्त वित्तीय संस्थाले चालु आर्थिक वर्षको तेस्रो त्रैमासिक अवधिमा तीन करोड ५६ लाख २३ हजार छ सय ६७ रुपैंयाँ खुद मुनाफा आर्जन गरेको छ । गत आवको सोही अवधिमा भने संस्थाको यस्तो नाफा ११ करोड १८ लाख ६३ हजार आठ सय ६१ रुपैयाँ रहेको थियो ।

हाल चुक्ता पुँजी ३७ करोड २३ लाख २१ हजार सात सय ३९ रुपैयाँ रहेको संस्थाले चालु आवको तेस्रो त्रैमासिक अवधिमा एक अर्ब ४० करोड आठ लाख ८७ हजार चार सय ५३ रुपैयाँ निक्षेप संकलन गरी तीन अर्ब ६७ करोड ७८ लाख ९७ हजार दुई सय ५६ रुपैयाँ कर्जा प्रवाह गरेको छ । सो अवधिमा १९ करोड ७६ लाख ९७ हजार दुई सय ७१ रुपैयाँ खुद ब्याज आम्दानी गरेको संस्थामा पाँच दशमलव ६० प्रतिशत कर्जा निष्क्रिय रहेको छ । वितरणयोग्य नाफा दुई करोड ७७ लाख ८६ हजार चार सय ६० रुपैयाँ रहेको संस्थाको स्प्रेडदर भने चार दशमलव ११ प्रतिशत रहेको छ  ।

गत आवको सोही अवधिमा भने संस्थाले एक अर्ब ४६ करोड ८७ लाख १९ हजार नौ सय ६९ रुपैयाँ निक्षेप संकलन गरी तीन अर्ब ७८ करोड तीन लाख ८६ हजार पाँच सय तीन रुपैयाँ कर्जा प्रवाह गरेको थियो । उक्त अवधिमा २१ करोड ९५ लाख ४६ हजार ६६ रुपैयाँ खुद ब्याज आम्दानी गरेको संस्थामा तीन दशमलव ७२ प्रतिशत कर्जा निष्क्रिय रहेको थियो भने स्प्रेडदर छ दशमलव ६५ प्रतिशत रहेको थियो ।