भुक्तानी सेवा प्रदायक कम्पनी ‘फोन पे’ले आईपीओ जारी गर्ने
काठमाडौं । भुक्तानी प्रदायक सेवा कम्पनी ‘फोन पे’ले साधारण सेयर अर्थात् आईपीओ जारी गर्ने भएको छ । आईपीओ जारी गर्नका लागि कम्पनीले एनएमबी क्यापिटल लिमिटेडसँग सम्झौता गरेको छ । क्यापिटलले फोन पेलाई आफ्नो विशेषज्ञता र क्षमताका आधारमा आईपीओ जारी गर्ने सम्बन्धमा परामर्श सेवा प्रदान गर्नेछ ।
यो सम्झौतासँगै एनएमबी क्यापिटलले फोन पेलाई आईपीओ जारी गर्न चाहिने पूर्वतयारी गर्न सघाउने कम्पनीको भर्ना छ । पूर्वतयारीको काम सकिएपछि नियामक निकायबाट आवश्यक स्वीकृति लिई फोन पेले सर्वसाधारणका लागि आईपीओे जारी गर्नेछ । फोन पे आईपीओ जारी गर्ने तयारीमा रहेको नेपालको पहिलो फिनटेक कम्पनी बन्ने छ ।
सम्झौतामा हस्ताक्षर गर्दै फोन पेका प्रमुख कार्यकारी प्रमुख दिवस सापकोटाले एनएमबीसँगको सम्झौताले आईपीओ निष्कासन गर्न सहज हुने जानकारी दिए । ‘कम्पनीले साधारण सेयर जारी गर्नेभन्दा पनि प्रविधि क्षेत्रमा काम गरिरहेका नेपालका अन्य कम्पनीहरूलाई प्रेरणा दिन र बेन्चमार्क सेट गर्न खोजेका हौँ । यसलाई हासिल गर्न हामीलाई आवश्यक पर्ने सहयोग र मार्गदर्शन गर्नका लागि एनएमबी क्यापिटलसँग सहकार्य गर्न लागेका हौं,’ फोन पेका प्रमुख कार्यकारी अधिकृत सापकोटाले भने, ‘फोन पे सर्वसाधारण जनताको सेवामा समर्पित छ । यो सम्झौताले हाम्रा सेवाहरू सबैका लागि पहुँचयोग्य बनाउने दृष्टिकोणलाई थप बल पुग्नेछ ।’ फोन पे नेपाल राष्ट्र बैंकबाट भुक्तानी प्रणाली सञ्चालकको रूपमा इजाजतपत्र डिजिटल भुक्तानी नेटवर्क भएको र सन् २०१९ देखि सञ्चालनमा रहेको फोन पेले बैंक तथा वालेट प्रदायकका ग्राहकहरूलाई मोबाइल फोनमार्फत नगदरहित भुक्तानी सेवा दिँदै आएको जानकारी दिएको छ ।
फोन पे नेटवर्कमा हाल ५८ वटाभन्दा बढी बैंक तथा वित्तीय संस्थाहरू सदस्य रहेका छन् । एक करोड ८० लाखभन्दा बढी सेवाग्राही र १२ लाख बढी मर्चेन्ट बैंकरहरू आबद्ध रहेका छन् । फोन पेले दैनिक सात अर्बभन्दा बढीको नगदरहित कारोबारलाई सहजीकरण गरिरहेको जानकारी दिएको छ ।
क्याटेगोरी : बैंक बित्त बजार
ट्याग : #Page 6
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया