सिटिजन्स बैंकका ग्राहकलाई विशेष छुट

काठमाडौं । सिटिजन्स बैंक इन्टरनेसनल लिमिटेडले विभिन्न संस्थाहरूसँग समन्वय गरी अगाडि बढ्ने अभिप्रायका साथ ती संस्थासँग सम्झौता गरेको छ । सम्झौतापश्चात् सिटिजन्स बैंकका ग्राहकले उक्त संस्थाका विभिन्न सेवामा विशेष छुट प्राप्त गर्न सक्ने छन् ।

बैंकका ग्राहकले आदर्शनगर, वीरगञ्जमा अवस्थित क्याफे मोकाको सेवामा अधिकतम १५ प्रतिशत छुट पाउने छन् । यसैगरी ब्राहम चोक, वीरगञ्जमा अवस्थित लक्ष्मी प्याराडाइजका सेवामा पनि अधिकतम १५ प्रतिशतसम्म छुट पाउने छन् । साथै, आदर्शनगर, वीरगञ्जमा अवस्थित माल्ट एण्ड माल्ट प्रालिका सेवामा अधिकतम २० प्रतिशतसम्म छुट पाउने छन् ।

बैंकले डिजिटल बैंकिङ माध्यमहरूको प्रयोगलाई बढाउन र ग्राहकलाई डिजिटल माध्यमबाट भुक्तानी गर्न प्रोत्साहन गर्न समयसमयमा ग्राहकमैत्री सुविधा सञ्चालनमा ल्याउँदै आएको छ । डिजिटल कारोबार गर्दा पाइने छुटसम्बन्धी विस्तृत विवरणहरू बैंकको वेबसाइटमा प्राप्त गर्न सकिने जानकारी पनि बैंकले दिएको छ ।

बैंकले देशैभरि फैलिएका आफ्ना एक सय ८४ वटा शाखा, तीनवटा विस्तारित काउन्टर, एक सय ४१ वटा एटीएम, छवटा कियोस्क सेवा र ९७ वटा शाखारहित बैंकिङ इकाइबाट करिब १५ लाख ८० हजार ग्राहकलाई आधुनिक बैंकिङ सेवा प्रदान गर्दै आएको छ ।