काठमाडौं,बैशाख १०
बितेका केही दिनयता देशभित्र संक्रमितका बढ्दो संख्या र छिमेकी देशमा महामारीको रूप ग्रहण गरिसकेको आवस्थाका बारे चासो र चिन्ता तीव्र भैरहेको छ । यो कसैका पनि घरआँगन छेउछाउ नै प्रकट भैरहेको अवस्थाले पनि यस्तो चासो बढाएको हुनुपर्छ । त्यही सन्दर्भमा प्रधानमन्त्रीको कोरोनासँग लड्ने वा जोगिने भनी दिइएका टिप्सहरू आए । कतिपय अवस्थामा भ्रम दिनेखालका रहेका भनी विज्ञहरूले अनावश्यक बहस गर्न परिरहेको छ ।
गएको चैतको अन्त्यतिर प्रधानमन्त्रीले कोरोनाका लक्षणहरू कस्ता हुन्छन् र तिनबाट कसरी जोगिने भनी मुलुकका सातै प्रदेशका मुख्य मन्त्रीहरूलाई सार्वजनिकरूपबाट जानाकारी गराएका थिए । एक त देशका प्रधानमन्त्रीले बताएको कुरा र अर्को प्रदेशका मुख्यमन्त्रीले कार्यान्वयन वा अबलम्वन गर्नुपर्ने भन्ने भएपछि स्वाभाविक छ, यसले आम तहमा प्रभाव पार्ने नै भयो । त्यसैकारण होला सामाजिक सञ्जालमा यसले धेरै नै ठाउँ पनि पायो ।
त्यो बेला प्रधानमन्त्री ओलीले कोभिड–१९ बाट बच्न अपनाउनु पर्ने उपाय के–के हुन् भनी मुख्यमन्त्रीहरूलाई सुझाएका थिए र मुख्यमन्त्रीमार्फत आम नागरिकलाई पनि हुने नै भयो । त्यसलाई सरकारले नै सार्वजनिक गरको थियो । यस्ता टिप्स सार्वजनिक भएपछि आम चासोमा पनि आयो र ट्वीटर र फेसबुकमा भाइरल पनि भयो । स्वाभाविक पनि हो, मुलुकको प्रधानमन्त्रीले व्यक्त गरेका यस्ता संवेदनशील विषयका कुरामा सबैको चासो रहन्छ नै । त्यसबेला प्रधानमन्त्रीले यो भाइरस भनेको निर्जीव तत्व हो, यो निर्जीव तत्वमा जुन बोसो हुन्छ, त्यसले जीवित तत्वको रूपमा सक्रिय गराइदिन्छ भनेका थिए । तर, धेरैले यसलाई जीवित मानेका छन् ।
प्रधानमन्त्रीको अर्को टिप्स वा भनाइ थियो, यो तातोपानी खाने, बाफ लिने ग¥यो भने ठीक हुन्छ । प्रधानमन्त्रीको यो भनाइ पनि विज्ञसँग मिल्दैन । विश्व स्वास्थ्य संगठनले समेत ७२ डिग्री कमको तातोपानीले कोरोना भाइरसलाई निर्मुल पार्छ भन्ने कुरा प्रमाणित नभएको भनी किटान नै गरेको छ । विश्व स्वास्थ्य संगठनसँग सम्बन्धित चिकित्सकका अनुसार पनि प्रधानमत्रीले भनेजस्तो रुघाखोकीको औषधिका रूपमा लिइने बाफले कोभिड–१९ को संक्रमणबाट बच्न सकिन्छ भन्ने प्रमाणित तथ्य छैन ।
प्रधानमन्त्रीको अर्को टिप्ससमा यसबाट बच्न चिसोमा बढी जोड नदिने, आइसक्रिमजस्ता कुरा नखाने भन्ने थियो । यसका बारे पनि कोरोना भाइरसबारे फैलिएका मिथ्यालाई चिर्नका लागि विश्व स्वास्थ्य संगठनले प्रकाशित गरेको सामग्रीले नै गलत साबित गर्छन् । त्यसमा अहिलेसम्म आइसक्रिम खाँदा कोरोना भाइरस फैलिन्छ भन्ने कुराको कुनै प्रमाण न भेटिएको जनाइएको छ ।
त्यस्तैमा पर्छन्, प्रधानमन्त्रीले भनेको तातोपानीले मुख धुने हात धुने, यो ठूलो विधि हो, भाइरस छ भने तातोपानीले हात धुनेबित्तिकै त्यसको बाहिरी लेयरमा बोसो हुन्छ, त्यो त निर्जीव हो, मर्ने हैन, त्यो समाप्त हुन्छ भन्ने कुरा पनि । सरकारको सञ्चार माध्यामले चाहिँ यता मिनेट मिनेटमा भनिरहेको कुरा प्रधानमन्त्रीले भनेनन् । साबुनपानीले कम्तीमा २० सेकेन्डसम्म हात मिचिमिची धोएमा यो भाइरसको संक्रमणबाट जोगिन सक्ने कुरा हो यो, जो अब सबैले पालना गर्छन् । त्यस कारण पनि प्रधानमत्रीको भाइरसविरुद्धको यो टिप्स कस्तो हो भन्ने प्रश्न उठेको हुनुपर्छ ।
क्याटेगोरी : सम्पादकीय
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया