काठमाडौं । गएको हप्ता एउटा अचम्मको समाचारले देश तरंगित भयो । यस्तो समाचारलाई हाँस्यास्पद भन्ने कि देशकै लज्जाको विषय मान्ने भन्नेचाहिँ आफ्नै ठाउँमा छ । यदि यसलाई आधार मान्ने हो भने देश चलाउँछु भनी पद ग्रहण गरेकाहरूले चलाएका छैनन् । बरु कतै अनुमान नै नगरिएका शक्तिहरू देशका सञ्चालक भएका रहेछन् । त्यो समाचारको विवरण राम्ररी पढियो भने जो–कोहीले पनि यस्तै महसुस गर्नुपर्ने हुन्छ । घटना नै त्यसरी प्रकट भए ।
विदेशबाट एउटा ठूलो दलबलसहित त्यहाँको राजकीय तहका उच्च पदाधिकारी ठूलो दलबलसहित नेपाल आए । उनले यो भ्रमणका क्रममा सुनका लौराहरू बाँडे । त्यस्ता लौरा प्राप्त गर्ने व्यक्ति थिए, नेपालमा एउटा क्षेत्रका माफिया भनी चिनिने र चिनाइने व्यक्ति । त्यस्तो लौरो प्राप्त गर्दा अर्थात् ग्रहण गर्दा लगाएको कालो चस्मा पनि त्यत्तिकै चर्चामा आयो । विदेशको एउटा उच्च पदाधिकारीले यसरी भ्रमण गर्दा र त्यस्तो उपहार दिँदा भने यो राज्यले त्यो घटना भइसकेपछि मात्रै थाहा पायो । अझ त्यसपछि त के भयो भने सुनको लौरो बाँड्ने ती पदाधिकारी आफैँ सक्कली हुन् कि नक्कली भन्ने प्रश्न गर्दै समाचार विवरण आएका छन् ।
यसलाई हाँसोमा उडाउने हो भने विषय आफैँ सकिन्छ तर त्यतिले पुग्दैन । यो कुरा देशको इज्जतसँग पनि जोडिन्छ । मेडिकल माफिया भनी चिनिने व्यवसायी तथा प्रमुख प्रतिपक्षी दलका एक केन्द्रीय सदस्य नेपाली पक्ष भएर यो विषय प्रारम्भ हुन्छ । उनले आफ्नो निमन्त्रणामा दुबईका राजकुमार नेपाल भ्रमण आउन लागेको भनेर प्रचार गरेका थिए । नभन्दै ती व्यक्ति दलबलसहित नेपाल भ्रमणमा पनि आए । तर उनी दुबईका राजकुमार शेख हमदम बिन मोहम्मद बिन रसिद अल मक्तुम होइनरहेछन् । तर उनै हुन् भनेर प्रचार गरियो । कतिसम्म भने प्रसाईँले सुनको लौरो पनि पाए । त्यो दिने व्यक्ति उनै दुबईका राजकुमार शेख हमदम बिन मोहम्मद बिन रसिद अल मक्तुम हुन् भन्ने त्यतिबेलासम्म नै बताइरहियो । दुबईका क्राउन प्रिन्स अर्थात् राजकुमार नेपाल भ्रमणमा झापा आएको भन्ने कुरा माध्यममा आउने भए नै । यो भ्रमण केन्द्रमा नरोकिई एकै पटक झापा पुगको थियो । अचम्म के भयो भने दुबईको राजकुमार नेपाल भ्रमण आएको समाचार न परराष्ट्र मन्त्रालय र न सुरक्षा निकाय कसैले पनि सुइँको समेत पाएनन् । एकै पटक सुनको लौरो वितरण गरिएको समारोह चित्रमा आएपछि मात्र उनीहरूले थाह पाए । त्यसपछि यो नक्कली राजकुमारको भ्रमण रहेछ भन्ने रहस्य खुल्यो । यो ठाउँमा प्रश्न उठ्छ राज्यलाई यो हदसम्म ढाँट्ने काम किन भयो ।
अर्को प्रसङ्ग हो सुनको लौरो दिने रलिने काम । यो भ्रमणमा बी एन्ड सी अस्पताल र पूर्वाञ्चल क्यान्सर अस्पताल बिर्तामोडका सञ्चालक (दुर्गा प्रसाईं)ले सुनको लौरो उपहार पाए । चित्रमा त्यस्तै देखियो । एउटा त विदेशीले नेपाली नागरिकलाई उपहार दिइँदा राज्यबाट अनुमोदान लिनुपर्छ त्यो भएन । उपहार दिएका व्यक्तिले आफ्नो पद ढाँटेका रहेछन् भन्ने सार्वजनिक नै भयो । त्यसो भए भन्नै पर्छ, सुनको यो उपहार तस्करीको सामान हो भनी शंका गरियो भने त्यसलाई अस्वाभाविक भन्न नमिल्ला ।
सुन तस्करीका सन्दर्भमा त धेरै तरिकाहरू अपनाइएका उदाहरण छन् । उपहार दिइएको भनिएको सुनको लौरो एकैचोटी झापामा मात्र प्रकट भयो । विदेशी त विदेश गए तर यो प्राप्त गर्ने व्यक्ति त यहीँ छन् । यसको गम्भीररूपले अध्ययन हुन जरुरी छ । यो घटनालाई नक्कली सुन भनेर पन्छाउन मिल्दैन ।
क्याटेगोरी : सम्पादकीय
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया