काठमाण्ठौं,चैत २८
सुरुमा छिमेकी देश भारतमा कोरोना भाइरस संक्रमितको संख्या नेपालमा जस्तै एक÷दुई र चार÷पाँचमा सीमित थियो । यता नेपालमा यो संख्या सौभाग्यवश सीमित नै छ । यद्यपि नेपालमा परीक्षणको संख्या पनि दुई हजार नाघेको छैन । तर, उता छिमेकमा भने हेर्दाहेर्दै यो बढेर केही दिनमा नै पाँच÷सात हजारकै हाराहारीमा आइसक्यो र प्रत्येक २४ घण्टामा हजार दुई हजारको संख्याले वृद्धि भैरहेको छ । भारतीय समाचार एजेन्सीका अनुसार पत्येक २४ घण्टामा यस्तो वृद्धिदर हजारसम्म पुगेको पाइन थालेको छ । पछिल्लो २४ घण्टामा एक हजार जना नयाँ संक्रमित थपिएका पाइयो । नेपालमा माघ ९ मा एउटा भेटिएकोमा चैतको दोस्रो हप्ता तीनवटा र तेस्रो हप्तासम्म्म नौ पुगेकोमा त्यसपछिको बितेको चार दिनदेखि यो संख्या स्थिर नै छ । नेपालका लागि विस्तारको क्रम करिब–करिब नगण्य मात्रामा हुनु यतिबेलाको सन्दर्भमा धेरै नै आत्तिनुपर्ने कुरा होइन ।
तर, छिमेकी मुलुक भारतमा यो संक्रमणको विस्तारको अर्को पक्षले नेपाललाई पनि निरत्नर घोचिरहेको मान्नुपर्छ । भारतमा गएको हप्तादेखि जुन ठाउँलाई बढीरूपले जोगाउन खोजिएको थियो, त्यो ठाउँमा यसले प्रवेश गरेको देखियो । त्यो हो एउटा सानो क्षेत्रमा दशौं लाखको बसोवास । मुम्बइको सुकुम्वासी क्षेत्रमा कोरोनाले प्रवेश पाएको र मान्छे मरिसकेका तथा संक्रमितको संख्या पनि अन्यत्रभन्दा बढी भएको पाइनुले चिन्ता बढाएको हो । भारतको यतिबेलाको सबैभन्दा ठूलो चिन्ताको विषय नै यही हो । कतिपय विद्वानहरूले यो ठाउँबाट समग्र भारतमा फैलिने सम्भावनाहरू औँल्याइरहेका छन् । यो रिपोर्ट आउँदा मुम्बईमा मात्रै मृतकको संख्या बढिरहेको थियो भने नयाँ संक्रमितको संख्या पनि युरोपजस्तै अवस्थामा पुगेको थियो । भारतमा प्रधानमन्त्री नरेन्द्र मोदी सरकारले लगाएको तीन हप्ते लकडाउनको समयको दुई भाग सकिसकेर अर्को भागको पनि एकतिहाइ सकिँदाको अवस्थाको कुरा हो ।
भारतका लागि दिल्लीको एउटा जमघट धेरै नै डरलाग्दो भयो । मुसलमानहरूको धार्मिकस्थलमा भएको त्यो जममघटमा इण्डोनेसियालगायतका मुसलमानहरू थिए जसबाट कोरोनाको विस्तार भएको पाइयो । त्यसमा नेपाली नेपाली पनि रहेका समाचार आइरहेका छन् । केही नेपालीलाई संकमणले भेटिसकेको भन्ने पनि समाचार छ । यो ठाउँको जमघटले कस्तोसम्म गरेका पाइयो भने दिल्लीमा सयजना संक्रमित हँुदा ४० जना त्यो ठाउँका सहभागी थिए । यो सावधानी न अपनाउँदाको परिणाम थियो । रिपोर्टमा आएअनुसार नेपालमा चैत्र २२ मा नौ जनामा कोरोना भाइरस संक्रमण पुष्टि भयो, जसमध्ये सुदूरपश्चिमका मात्रै चारजना रहे । तीमध्ये एक जना भारतबाट हालै नेपाल आएका पनि पर्छन् । यसको अर्थ हो अब छिमेकी मुलुकको विस्तारको प्रभाव नेपालमा पनि देखिन थालेको हो कि भन्ने आशंका प्रकट हुनु । यसको डरलाग्दो पक्ष हो, परीक्षण नै भएको छैन ।
यो क्षेत्रमा भर्खर थालिएको छ । दिल्ली जमघटबाट शिक्षा नेपाल र भारत दुवै देशले लिनुपर्ने हो खास गरी सीमा क्षेत्रमा । तर, त्यस्तो भएको पाइएन जो दुःखद नै भन्नुपर्छ । सुस्त तयारी, जनशक्ति र स्वास्थ्य सामग्रीको अभावका कारण सुदूरपश्चिम कोरोनाको उच्च जोखिममा रहेको अवस्थामा सीमाक्षेत्रमा हजारौँको संख्या असुरक्षित अवस्थामा छ । उताका उतै र यताका यतै राख्ने भनिएकोमा उताबाट आउनेहरूको संख्या ठूलो भएको र उनीहरूले आधारभूत सेवा पनि नपाएको भनी त्यहाँबाट भागिरहेका अवस्था छ । विवरणमा आएअनुसार ७० भन्दा माथिको संख्या त महाकालीमा हेलिएर नै नेपाल आएका बताइएको छ उताको बसोवास सामान्य प्रकारको पनि नभएको भन्ने कारणबाट । यसमा नेपाल सरकारले पनि हेरचाह गर्नुपर्नेमा त्यस्तो गरेको पाइएन ।
क्याटेगोरी : सम्पादकीय
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया