जर्मनीको मुद्रास्फीति अपेक्षाभन्दा धेरैले बढ्यो

जर्मनी । जर्मन मुद्रास्फीति जुनमा अपेक्षितभन्दा धेरै बढ्ने देखिएको छ । जर्मनीको तथ्यांक कार्यालयले सार्वजनिक गरेको प्रारम्भिक तथ्यांकले बिहीबार उपभोक्ता मूल्यहरू जुन महिनामा छ दशमलव आठ प्रतिशतले बढेको छ । विश्लेषकहरूले छ दशमलव सात प्रतिशत वृद्धि हुने प्रक्षेपण गरेका थिए ।

युरोपमा स्पेनको मुद्रास्फीतिमा एक दशमलव छ प्रतिशत र इटालीमा छ दशमलव सात प्रतिशतले गिरावट आएको छ । अर्थशास्त्रीहरूले युरो क्षेत्रको मुद्रास्फीति मे महिनामा रहेको छ दशमलव एक प्रतिशतबाट जुनमा पाँच दशमलव छ प्रतिशतमा झर्ने अनुमान गरेका छन् । अर्थशास्त्री राल्फ सेल्भिनले जर्मनीमा जुनको तथ्यांकले मुद्रास्फीति दरमा तल झर्ने प्रवृत्तिलाई मात्र रोक्ने बताएका छन् ।

जर्मनी सरकारले बढ्दो ऊर्जाको मूल्यलाई रोक्न गतवर्षको जुनमा इन्धनमा कर कटौती गरेको थियो । जर्मनीको कोर मुद्रास्फीति दर, जसले खाद्य र ऊर्जाजस्ता अस्थिर वस्तुहरू समावेश गर्दैन । जुन महिनामा पाँच दशमलव आठ प्रतिशतमा हुने अपेक्षा गरिएको छ ।