थाइल्यान्डका पूर्वप्रधानमन्त्रीलाई जेल सजाय

थाइल्यान्ड । थाइल्यान्डका पूर्वप्रधानमन्त्री थाक्सिन सिनावात्रालाई जेल चलान गरिएकोे छ । थाइल्यान्डको सर्वोच्च अदालतले सिनावात्रालाई आठ वर्षको जेल सजाय सुनाएको थियो । सिनावात्रालाई उनको अनुपस्थितिमा तीनवटा अभियोगमा अदालतले दोषी ठहर गर्दै आठ वर्षको काराबासको सजाय सुनाएको थियो ।

सन् २००१ देखि २००६ सम्म थाइल्यान्डको प्रधानमन्त्री बनेका सिनावात्रा सन् २००८ देखि विदेशमा बस्दै आएका थिए । उनीमाथि सत्तामा रहँदा शक्तिको दुरुपयोग गरेको, गैरकानुनीरूपमा सरकारी बैंकलाई विदेशी ऋण जारी गर्न आदेश दिएको तथा मनोनीत व्यक्तिमार्फत अवैधरूपमा सेयर राखेको कसुरमा अदालतले दोषी ठह¥याएको हो ।

१५ वर्षसम्म निर्वासित जीवन बिताएका सिनावात्रा मंगलबार स्वदेश फर्किनासाथ विमानस्थलबाटैे पक्राउ परेका थिए । उनी स्वदेश फर्केको केही घण्टामा नै जेल चलान भएका छन् । पूर्वप्रधानमन्त्री सिनावात्राको राजनीतिक दल फेउ थाइका सदस्य श्रेथा थाविसिन प्रधानमन्त्रीको रुपमा चयन हुने तयारी भएका बेला सिनावात्रा जेल चलान भएका हुन् ।