पेरिसमा भाडाका विद्युतीय स्कुटर चलाउन नपाइने

फ्रान्स । फ्रान्सले राजधानी पेरिसमा सार्वजनिक भाडामा चल्ने विद्युतीय स्कुटरमाथि प्रतिबन्ध लगाउने भएकोे छ । शुक्रबारबाटै यो नियम लागू भएको छ । पेरिसबासीले गत अप्रिल २ मा भएको मतदानमा विद्युतीय स्कुटरको विरुद्धमा मतदान गरेका थिए ।

सन् २०१८ देखि पेरिसमा विद्युतीय स्कुटर भाडामा लिएर चलाउन पाउने अभियान सुरु गरिएको थियो । भाडाका सार्वजनिक विद्युतीय स्कुटर चल्न नदिने पक्षमा मतदान भएपनि कतिपय पेरिसबासीले मानिसलाई सहज बनाएकाले प्रतिबन्ध लगाइनु राम्रो नभएको बताउँदै आएका थिए । तर, विद्युतीय स्कुटरले दुर्घटना निम्त्याएको भन्दै प्रतिबन्ध लगाइएको छ ।