डलरको तुलनामा भारु कमजोर

भारत । कच्चा तेलको मूल्यमा भएको उछाल र अन्य एसियाली मुद्रा कमजोर बन्दै गएपछि सोमबार भारीय रुपैयाँ (भारु) तल्लो विन्दुमा बन्द भएकोे छ । अमेरिकी डलरको तुलनामा भारतीय रुपैयाँ कमजोर बन्दै ८३ दशमलव २७७५ मा बन्द भएको छ । जुन क्लोजिङको आधारमा अहिलेसम्मकै कमजोर हो ।

डलर सूचकांक एक सय छ दशमलव पाँच विन्दुमा स्थिर रह्यो भने एसियाली मुद्राहरु कमजोर भए । कोरियाली वोन पनि शून्य दशमलव २७ प्रतिशतले कमजोर बनेको छ ।

एचडीएफसी सेक्युरिटीजका प्रमुख कमोडिटी एन्ड करेन्सी अनुज गुप्ताले मध्यपूर्वमा उथलपुथल बढेपछि अमेरिकी डलरको माग बढेकोले भारतीय मुद्रा कमजोर बन्दै गएको विश्लेषण गरेका छन् ।

भारतीय केन्द्रीय बैंक रिजर्भ बैंक अफ इन्डिया (आरबीआई)ले विनिमय बजारमा हस्तक्षेप गरी भारुको गिरावट रोक्ने प्रयास गरेको छ । तर, भारु विस्तारै कमजोर बनिरहेको छ । भारुलाई थप कमजोर हुन नदिन आरबीआईले डलर बिक्री गरिरहेको छ ।

भूराजनीतिक तनावको समयमा विश्वभरका लगानीकर्ताले अन्य मुद्रामा भएको लगानी डलरमा परिवर्तन गर्ने भएकाले डलरको माग बढेको छ । जसले डलर बलियो बन्दै गएको छ भनेन अन्य देशका मुद्रामा दबाब परेको छ । एजेन्सी