चीनमा बेल्ट एन्ड रोड सीईओ सम्मेलन

बेइजिङ । चीनमा आयोजित बेल्ट एन्ड रोड सीईओ कन्फ्रेन्स केही व्यापारिक साझेदारी गर्ने सहमतिसहित सम्पन्न भएको छ । सम्मेलनले विश्वव्यापी व्यापार सम्बन्ध र सहयोग बढाउने घोषणा गरेको छ ।

सम्मेलनमा करिब तीन सय चिनियाँ र अन्तर्राष्ट्रिय साझेदारहरु संलग्न रहेको ठूलो संख्यामा सहयोग परियोजनाहरुमा हस्ताक्षर भएको छ । जसमा पूर्वाधार, स्वच्छ इनर्जी, आर्टिफिसियल इन्टेलिजेन्स, बायोफार्मास्युटिकल्स, वित्तीय सेवा, आधुनिक कृषि र रेल यातायातलगायतका क्षेत्रहरु समेटिएका छन् ।

सन् २०१९ मा आयोजना भएको सम्मेलनको तुलनामा यस पटकक धेरै देश र व्यक्तिको संलग्नता भएको र समझौताहरु पनि धेरै नै भएको आयोजकमध्येको एक चिनियाँ अन्तर्राष्ट्रिय व्यापार प्रवद्र्धन परिषद्का उपाध्यक्ष यु जिजयानलोङले बताएका छन् ।

सीईओ सम्मेलन बीआरआईको १०औँ वार्षिकोत्सवको अवसरमा चलिरहेको तेस्रो बेल्ट एन्ड रोड फोरम फर इन्टरनेसनल कोअपरेसनको समयमा आयोजना गरिएको थियो । सम्मेलनमा ८० भन्दा बढी देश र क्षेत्रका एक हजार दुई सयभन्दा बढी सहभागीहरुले भाग लिएका थिए ।